काठमाडौं २३ पुस । दक्षिण कोरियाका यातायातमन्त्रीले राजीनामा दिने घोषणा गरेका छन्। १७९ जनाको ज्यान जानेगरी जेजु एयरको विमान दुर्घटनाको जिम्मेवारी लिँदै उनले राजीनामा गर्ने बताएका हुन्।
डिसेम्बर २९ का दिन सो दुर्घटना भएको थियो। जसमा विमानमा सवार २ जना मात्र बाँच्न सफल भएका थिए। दुर्घटनाको कारण खोजी भइरहेको छ।
‘यो प्रलयका लागि म ठूलो जिम्मेवारी महसुस गर्छु,’ मन्त्री पाक साङ वुले मंगलबार पत्रकार सम्मेलनमा भने। यद्यपि, उनले उपयुक्त समयमा राजीनामा गर्ने बताएका छन्। त्यसअघि दुर्घटनाको निष्पक्ष छानबिन गर्ने प्रतिबद्धता उनले व्यक्त गरे।
यातायात मन्त्रालयले सो विमानस्थलको ल्यान्डिङ सिस्टम सुधार गर्ने बताएको छ। साथै, मन्त्री पार्कले उड्डयन सुरक्षासम्बन्धी कानुनहरूमा पनि सुधार गर्ने वाचा गरेका छन्।
प्रतिक्रिया दिनुहोस्