काठमाडौं १८ पुस । गृहमन्त्री रमेश लेखकले नुवाकोटको शेरा दरबारको जग्गा हिनामिनाबारे गम्भीर अनुसन्धान भइरहेको बताएका छन्।

प्रतिनिधिसभाको राज्य व्यवस्था तथा सुशासन समितिको बिहीबारको बैठकमा उठेको प्रश्नमा जवाफ दिंदै गृहमन्त्री लेखकले यस्तो बताएका हुन्। समितिको आजको बैठकमा एमाले सांसद बासुदेव घिमिरेले यस विषयमा सरकारको जवाफ माग गरेका थिए।

समितिमा शेरा दरबारको जग्गा सम्बन्धी विषय उठेको छ। ‘हामी विधेयकमा छलफल गरिरहेको बेलामा यो विषयमा पनि सरकारले नै जवाफ दिनुपर्छ भन्ने विषय उठेपछि जवाफ दिनुपर्ने भयो’, गृहमन्त्री लेखकले भने, ‘शेरा दरबारको विषयमा गम्भीरतापूर्वक अनुसन्धान भइरहेको छ। दोषी देखिए कानुन बमोजिम कारबाही अगाडि बढ्छ। त्यो जग्गा गलत ढगले कसै व्यक्ति, कम्पनीका नाममा गएको छ भने त्यो फिर्ता हुन्छ।’

त्यसअघि समितिको बैठकमा यस विषयमा बोल्दै माओवादी केन्द्रका अध्यक्ष पुष्पकमल दाहाल ‘प्रचण्ड’ले कानुनविपरित भए त्यो जग्गा फिर्ता ल्याउन आग्रह गर्दै त्यसो गरेमा सरकारलाई धन्यवाद दिने बताएका थिए।

गृहमन्त्री लेखले अगाडि भने, ‘पूर्वप्रधानमन्त्रीले सहयोग र धन्यवाद दिन्छु भन्नुभएको छ। म पूर्वप्रधानमन्त्रीलाई धन्यवाद दिन तयार भएर बस्न आग्रह गर्दछु।ु