काठमाडौं जेठ १५। नेपाली कांग्रेसका महामन्त्री गगन थापाले देशमा व्याप्त निराशाको तावामा विभिन्न आवरणमा व्यवस्थामाथि आगो सल्काउन खोज्नेहरुप्रति सचेत रहन आग्रह गरेका छन् ।

गणतन्त्र दिवसको शुभकामना दिँदै थापाले यस्तो बताएका हुन् । उनले व्यवस्थासँगै देशको अवस्था बदलिन नसक्दा निराशा र आक्रोश बढेको टिप्पणी गरेका छन् ।

उनले लेखेका छन्– ६२ –६३को ऐतिहासिक जनआन्दोलनको बलमा २०६५ जेठ १५ गतेको संविधान सभाको पहिलो बैठकबाट सङ्घीय लोकतान्त्रिक गणतन्त्रको स्थापना भएको दिनलाई कसैले बिर्सन नहुने पनि बताएका छन ।

ब्यवस्था संगै अवस्था बदलिन नसक्दा निराशा र आक्रोश बढेको छ भन्दै दोष ब्यवस्थाको होइन व्यवस्था चलाउने पात्र र प्रवृतिको हो पनि भनेका छन । बदलिन र बदल्न,सच्चिन र सच्याउन पर्ने थुप्रै विषय छन । आशा र भरोसाका लागि डेलिभरी दिनुपर्नेछ,थिति बसाल्नुपर्नेछ। समीक्षा र प्रण गरौं ।

यही निराशाको तावामा विभिन्न आवरणमा ब्यवस्थामाथि आगो सल्काउन खोज्नेहरूप्रति सचेत रहदैं लोकतान्त्रिक गणतन्त्रलाई थप उन्नत र देशलाई समुन्नत बनाउन आजको दिनले हामी सबैलाई उत्प्रेरित गरोस् भन्दै उनले गणतन्त्रको शुभकामना दिएका छन् ।