काठमाडौं ७ बैशाख । संयुक्त राज्य अमेरिकाले बिहीबार संयुक्त राष्ट्रमा पूर्ण सदस्य राष्ट्रको रूपमा मान्यता प्राप्त गर्नै प्यालेस्टिनी प्रसस्ताव विरुद्ध भिटो प्रयोग गरेको छ । प्यालेस्टिनी सहयोगीहरूले विश्व निकायलाई यस प्रयासलाई समर्थन गर्ने प्रयासलाई अमेरिकाले पुनः अस्वीकार गरेको हो ।

प्रस्तावको पक्षमा १२ मत परेको थियो भने संयुक्त राज्य अमेरिका विश्रद्धमा र बेलायत र स्विजरल्याण्ड तटस्थ बसेका थिए ।

संयुक्त राष्ट्रसंघका लागि प्यालेस्टिनी दूत रियाद मन्सुरले पूर्णसदस्य मान्यताको प्रयासलाई ूराष्ट्रहरूको समुदायमा हाम्रो सही स्थान लिनेू प्रयासको रूपमा व्याख्या गरेका थिए।

मतदानपछि, स्पष्ट रूपमा निराश भएका मन्सुरले प्यालेस्टिनी जनताको आत्मनिर्णयको अधिकारलाई जोड दिँदै भावपूर्ण सम्बोधन गरेका थिए ।

‘हाम्रो आत्मनिर्णयको अधिकार एक प्राकृतिक अधिकार हो –एक ऐतिहासिक अधिकार– हाम्रो मातृभूमि प्यालेस्टाइन स्वतन्त्र राज्यको रूपमा बस्न पाउनु पार्ने स्वतन्त्र र सार्वभौम अधिकार छ’, उनले भनेका थिए ।

इजरायलका विदेश मन्त्री इजरायल काट्जले मतदानपछि भनेः ‘लाजमर्दो प्रस्ताव अस्वीकृत भयो। आतङ्कवादलाई पुरस्कृत गरिने छैन।’

संयुक्त राष्ट्रका लागि अमेरिकी राजदूत लिन्डा थोमस ग्रीनफिल्डले शुक्रबार बिहान टोकियोमा बोल्दै भनेका थिएः नयाँ प्रस्तावले दुई राज्य समाधानलाई नजिक ल्याउने थिएन।

‘प्रस्तावले प्यालेस्टिनी प्राधिकरणलाई युएनको सदस्य हुने व्यवस्था गर्दछ’, सुश्री थोमस ग्रीनफिल्डले पत्रकारहरूलाई भनिन्। ‘अहिले, प्यालेस्टिनीहरूको आफ्नो राज्यको महत्त्वपूर्ण भागमा नियन्त्रण छैन। यो आतङ्कवादी सङ्गठनद्वारा नियन्त्रित छ’, उनले हमासलाई उल्लेख गर्दै भनिन्।

अमेरिकाले सुरक्षा परिषद्का अन्य चार स्थायी सदस्यहरूसँगै कुनै पनि प्रस्तव विरुद्ध भिटो गर्न सक्छ।

प्रस्तावले १५ सदस्यीय सुरक्षा परिषदलाई १९४ सदस्यीय युएन महासभालाई प्यालेस्टाइन राज्यलाई संयुक्त राष्ट्रको सदस्यतामा भर्ना गर्नू सिफारिस गर्न आग्रह गरेको कूटनीतिज्ञहरूले बताएका छन् ।