पोखरा । जिल्ला प्रहरी कार्यालय कास्कीको आयोजना तथा अन्नपूर्ण गाउँपालिकाको सहकार्यमा जिल्ला कास्की अन्नपूर्ण गाउँपालिका वडा नं. १० र ११ को घान्द्रुकमा नागरिक सुनुवाई कार्यक्रम सम्पन्न गरेको छ ।

जिल्ला प्रहरी कार्यालय कास्कीका प्रमुख प्रहरी उपरीक्षक मोहनकुमार थापाको अध्यक्षतामा अन्नपूर्ण गाउँपालिकाका अध्यक्ष विष्ण बहादुर केसीको प्रमुख आतिथ्यता तथा अन्नपूर्ण गाउँपालिकाका वडा नं. १० र ११ का वडा अध्यक्ष, जनप्रतिनिधि, विभिन्न संघसंस्थाका प्रतिनिधि, स्थानीय आमा समूह, युवा क्लवका प्रतिनिधि, बुद्धिजिवी, भद्रभलादमीहरुको उपस्थितिमा नागरिक सुनुवाई कार्यक्रम सम्पन्न गरिएको हो ।

जिल्ला प्रहरी कार्यालय कास्कीले सम्पादन गरेका प्रहरी काम कारवाही, जिल्लाको शान्ति सुरक्षा व्यवस्था, अपराध न्यूनीकरणको लागि गरिएका पहल, नविन कार्य, भावी कार्ययोजनाको विषयमा नागरिकलाई अवगत गराउनुका साथै दूरदराजमा रहेका नागरिकसँग प्रत्यक्ष रुपमा भेट गरी नागरिकको गुनासो सुन्ने तथा सुझाव सङ्कलन गर्ने कार्यक्रमको मुख्य योजना रहेको थियो ।

कार्यक्रम बिहीबार भएको हो । घान्द्रुकमा पहिलोपटक सुनुवाई कार्यक्रम भएको हो ।

उक्त कार्यक्रममा नागरिकबाट उठेका जिज्ञासा तथा गुनासोहरुको यस कार्यालयका प्रमुख प्रहरी उपरीक्षक थापाले सम्बोधन गरेका थिए ।

सोही अवसरमा कार्यक्रमको दोस्रो चरणमा वरिष्ठ सई होतबहादुर रोकाहाले जातीय भेदभाव तथा छुवाछुत सम्बन्धी प्रशिक्षण समेत प्रदान गरेका थिए ।