काठमाडौं २१ पुस । प्रधानमन्त्रीको सरकारी निवास बालुवाटारमा सरकारमा सहभागी सात दलको बैठक बसिरहेको छ। सत्ता गठबन्धनका चार दलको बैठक सकिए लगत्तै बालुवाटारमा सरकारमा सहभागी दलहरूको बैठक सुरु भएको छ।

आजको बैठकमा आगामी माघ ११ गते हुने राष्ट्रिय सभा निर्वाचनका लागि उम्मेदवार तय गर्ने बताइएको छ।

राष्ट्रिय सभामा रिक्त हुने १९ सिटको बाँडफाँट गर्न यस अघि बसेको सत्ता गठबन्धनको बैठक बिनानिष्कर्ष सकिएको छ । प्रधानमन्त्री निवास बालुवाटारमा शनिबार कांग्रेस, माओवादी, एकीकृत समाजवादी, जनता समाजवादी, जनमत, नागरिक उन्मुक्तिको बैठकमा दलहरुले बढी सिट मागेपछि कुरा नमिलेको हो ।

दलहरुले धेरै सिट दाबी गरेपछि गठबन्धन बैठक निष्कर्षविहीन

‘प्रमुख दलले बढी सिट दाबी गरेपछि बैठक निष्कर्षमा पुग्न सकेन,’ जनमत पार्टीका अध्यक्ष सिके राउनले भने, ‘कांग्रेस, माओवादी, एकीकृत समाजवादी, जसपाबीच मुख्यगरी कुरा मिलेन ।’

उनले जनमतले पनि एक सिट दाबी गरेको जानकारी दिए ।