काठमाडौं १९ पुस । दुई दिने नेपाल भ्रमणमा रहेका भारतीय विदेशमन्त्री एस. जयशंकर प्रधानमन्त्री पुष्पकमल दाहाल प्रचण्डबीच सिंहरदरबार भेटवार्ता जारी छ।
शीतल निवासमा राष्ट्रपति रामचन्द्र पौडेलसँग भेटवार्ता गरेपछि जयशंकर प्रधानमन्त्रीसँगको संवादका लागि सिंहदरबार पुगेका थिए।
बिहीबार बिहान विशेष विमानमार्फत त्रिभुवन विमानस्थलमा अतवरण गरेका उनले शीतल निवास पुगेर राष्ट्रपति पौडेलसँग भेटवार्ता गरेका थिए।
त्यसपछि अहिले जयशंकर र प्रधानमन्त्रीबीच सिंहदरबारमा वार्ता भइरहेको छ। वार्तामा नेपालको तर्फबाट परराष्ट्र सचिव सेवा लम्साल सहभागी छन्।
उता भारतको तर्फबाट विदेशमन्त्री जयशंकरसहित नेपालस्थित राजदूत नवीनकुमार पनि सहभागी भएका छन्।
नेपाल–भारत परराष्ट्रमन्त्रीस्तरीय संयुक्त आयोगको बैठकमा सहभागी हुन जयशंकर बिहीबार बिहान काठमाडौँ उत्रिएका हुन्।
उनले बिहीबार नेपाल–भारत परराष्ट्रमन्त्रीस्तरीय संयुक्त आयोगको बैठकमा भाग लिनेछन्। जहाँ नेपालतर्फबाट परराष्ट्रमन्त्री एनपी साउदले सहभागिता जनाउँदै छन्।
नेपाल र भारतबीच दीर्घकालीन १० वर्षे विद्युत व्यापार सम्झौतामा हस्ताक्षर
प्रतिक्रिया दिनुहोस्