विराटनगर ,२६ माघ । एमाले प्रदेश १ का नवनिर्वाचित संसदीय दलको नेता शेरधन राईले फागुन २ गते सम्मा प्रदेश सरकार गठनको प्रक्रिया पुरा हुने बताएका छन् ।
पार्टीको आन्तरिक दलको नेता चयन भएपछि राईले भने, ‘अब मुख्यमन्त्री नियुक्त हुने पक्कापक्की भइसक्यो । अब छिट्टै प्रदेश सरकार गठन प्रक्रिया प्रारम्भ हुन्छ ।’ फागुन २ भित्र प्रदेश सरकार बन्ने भन्दै उनले प्रदेशलाई भ्रष्टाचारमुक्त समृद्ध बनाउने बताए ।
राईले भने, ‘मैले कुनै भेदभावको दृष्टिले हेर्नेछैन । सबै माननीय सदस्यहरुलाई समान दृष्टिले हेर्ने र जिम्मेवारी प्रदान गर्नुपर्छ र म गर्छु पनि ।’
प्रतिक्रिया दिनुहोस्