काठमाडौ, १३ असार । पशुपक्षी विकास मन्त्रालयले कृषकको आकर्षण बढेपछि पशुपक्षीको बीमाका लागि अनुदान बापतको रकम आगामी आर्थिक वर्ष २०७४/०७५ का लागि २५ करोड रुपैयाँ पु¥याएको छ ।
मन्त्रालयले चालु आर्थिक वर्षमा १८ करोड रुपैयाँ विनियोजन गरेकामा देशभर त्यसको सकारात्मक प्रभाव परेकाले आगामी आर्थिक वर्षका लागि सात करोड रुपैयाँ रकम थप गरिएको जनाइएको छ ।
आर्थिक २०७२÷०७३ मा कृषकलाई पशुपक्षीको बीमामा सहुलियत दिन आठ करोड रुपैयाँ मात्र विनियोजन गरिएको थियो । देशका विभिन्न स्थानमा व्यावसायिक रुपमा पशुपक्षी पालन गर्ने किसानको व्यवसायमा जोखिम घटाउने उद्देश्यले वि.सं. २०६८ मा पशुपक्षीको बिमाको अवधारणा ल्याइएको थियो ।