काठमाडौं । भारतीय विदेश मन्त्री सुस्मा स्वराजको नेपाल भ्रमणबाट सबैभन्दा बढी फाइदा एमाले केपी ओलीलाई भएको कांग्रेसका सांसद तथा भारत निकट मानिने डा. अम्रेश कुमार सिंहले विश्लेषण गरेका छन् । सिंहले एबीसीको कार्यक्रम आउटलुकका लागि कुरा गर्दै भने “ यो भ्रमणबाट सबैभन्दा बढी फाइदा ओलीजीलाई भयो । उनले अगाडि भने सबैभन्दा बढी घाटा प्रचण्डजीलाई भयो ।”

सिंहका अनुसार ओलीजीको संविधान निर्माण भएपछि भारतसंगको सम्वन्ध विग्रेको थियो । यो चुनावमा सफलता प्राप्त गरेपछि भारतले ओलीजीसं मित्रताको हात बढायो । विगतमा सम्वन्ध बनाउन भनेर नेपालका नेताहरु भारत जान्थे यसपटक ओलीले भारतीय बरिष्ठ राजनीतिक अधिकारीलाई नेपाल बोलाएर नयां सुरुवात पनि गरे सिंहको विश्लेषण छ ।

“माओवादी अध्यक्ष प्रचण्डको जुन खालको बार्गेनिङ थियो, त्यो यो भ्रमणबाट समाप्त” भएको सिंहको विश्लेषण छ । सुस्माको भ्रमणका बेला प्रष्टरुपले उनले मधेशवादी दललाई ओलीको सरकारमा जान सल्लाहा दिएकी छन् । मधेशी दल सरकारमा जानेभएपछि प्रचण्डको त्यति बढी आवश्यकता नपर्न सिंहको निश्कर्ष छ ।
सुस्माको भ्रमणबाट सरकार ह्युमिलिएट भएको छ । तर कांग्रेसलाई यो भ्रमणबाट कुनै फाइदा पनि छैन घाटा पनि छैन सिंहको बुझाई छ ।
एक अर्को प्रसंगमा सिंहले भने “राजनीतिमा व्यपारिकरणको विकृतलाई देउवा र प्रचण्डले संस्थागत गरेको” आरोप लगाए ।