धनगढी २९ चैत । बैतडीमा जिप दुर्घटना हुँदा एकै ठाउँका ६ जनाको मृत्यु भएको छ। मंगलबार मध्यराती पाटन नगरपालिका–८ झौलेकमा जिप दुर्घटना हुँदा ६ जनाको मृत्यु भएको हो।

जिल्ला प्रहरी कार्यालय बैतडी का प्रहरी निरीक्षक योगेश खत्रीका अनुसार खोड्पेबाट बझाङतर्फ गइरहेको से १ ज ७६४ नम्बरको जिप सडकबाट पाँच सय मिटर तल खसेको थियो।

दुर्घटनामा परेर बझाङको केदारस्युँ गाउँपालिका–५ का मने बोहरा, गोरख बोहरा, नरे बोहरा, बिर्ख बोहरा, मान बहादुर धामी र बिरे बोहराको मृत्यु भएको छ।
ञदुर्घटनाको कारण खुलेको छैन, जिपमा सवार अन्य पाँच जनाले हाम फालेर ज्यान जोगाएका छन,झ प्रहरी निरीक्षक खत्रीले भने, ञउहाँहरु सकुशल हुनुहुन्छ ।झ
जिपमा चालक सहित १२ जना सवार थिए। जिप चालक दुर्घटना पछि फरार रहेको प्रहरीले जनाएको छ। जिपमा सवार अधिकाँस नयाँ वर्ष (विसु) मनाउन भारतमा मजदुरी गरेर घर फर्किरहेका रहेका थिए।