काठमाडौँ, २० चैत । नेकपा (एमाले)ले बारा क्षेत्र नम्बर २ मा हुन गइरहेको उपनिर्वाचनका लागि पुरुषोत्तम पौडेललाई उम्मेदवार बनाउने निर्णय गरेको छ ।
आज मनोनयन गर्नु केही घन्टाअघि मात्र एमालेले पूर्वखेलकुदमन्त्रीसमेत रहेका पौडेललाई उम्मेदवार बनाउने निर्णय लिएको हो ।
गत मंसिर ४ गते सम्पन्न निर्वाचनमा बारा २ को निर्वाचनमा एमालेले जनता समाजवादी पार्टीलाई सघाए पनि यसपटक भने एमालेले एकल उम्मेदवारको रुपमा पौडेललाई अघि सारेको हो ।
बारा–२ मा सत्ता गठबन्धनको तर्फबाट जनता समाजवादी पार्टीका अध्यक्ष उपेन्द्र यादव, राष्ट्रिय स्वतन्त्र पार्टीबाट रमेश खरेल, जनमत पार्टीबाट शिवचन्द्र कुसवाह र राष्ट्रिय प्रजातन्त्र पार्टीबाट सोनेलाल साह उम्मेदवार रहने यसअघि नै सार्वजनिक भइसकेको छ ।
आज बिहान १० बजेदेखि साँझ ५ बजेसम्म उम्मेदवारी दर्ता हुँदै छ ।
प्रतिक्रिया दिनुहोस्