काठमाडौँ, १९ फागुन । ८ दलीय गठबन्धनसँग नागरिक उन्मुक्ति पार्टीले उपप्रधानसहित एक राज्यमन्त्री माग गरेको छ । राष्ट्रपतिका उम्मेदवारसमेत रहेका नेपाली कांग्रेसका नेता रामचन्द्र पौडेलसहितका नेताहरूसँग नागरिक उन्मुक्तिका संरक्षक रेशम चौधरीले पत्नी रञ्जिता श्रेष्ठलाई उपप्रधान एवम् सहरी विकास मन्त्रालय दिनुपर्ने माग गरेका छन् । त्यस्तै, संघमा एक राज्यमन्त्रीसमेत माग गरेको नागरिक उन्मुक्तिका एक नेताले बताए ।

संरक्षक चौधरीले प्रदेशहरूमा समेत पावर सेयरिङ गर्नुपर्ने सर्त राखेका छन् । उनले सुदूरपश्चिम प्रदेशमा नागरिक उन्मुक्तिले समेत नेतृत्व गर्नुपर्ने सर्त राखेका हुन् । वर्तमान नेतृत्वको सरकारमा दुई मन्त्रीसहित एक राज्यमन्त्री बनाउनुपर्ने उनको माग छ । त्यस्तै, लुम्बिनी प्रदेशमा दुई मन्त्री र मधेस प्रदेशमा एक मन्त्री दाबी गरेका छन् ।

चौधरीले टीकापुरलाई छुट्टै जिल्ला बनाउनुपर्ने मागसमेत गरेका छन् । उनले सुदूरपश्चिम प्रदेशलाई खप्तड–थारूहट प्रदेश बनाउनुपर्ने र राजधानी धनगढी बनाउनुपर्ने माग गरेका छन् । सुदूरपश्चिम प्रदेशमा ८ दलको दुई तिहाइ बहुमत रहेको भन्दै नाम परिवर्तन गर्न माग गरेको ती नेताको भनाइ छ ।

संरक्षक चौधरीले टीकापुर राजबन्दीलाई यथाशिघ्र रिहा गर्नुपर्ने अडान राखेको ती नेताले बताए ।

८ दलको साझा उम्मेदवार पौडललाई भोट माग्न डिल्लीबजार पुगेका टोलीसँग सो माग गरेका हुन् । टोलीमा राष्ट्रपतिका उम्मेदवार पौडेल, नेकपा (एकीकृत समाजवादी)का उपमहासचिव प्रकाश ज्वालालगायत टोली डिल्लीबजार पुगेका थिए ।

त्यस्तै, एमालेकी सांसद भगवती चौधरीले पनि जेलमा पुगेर राष्ट्रपतिका उम्मेदवार सुवासचन्द्र नेम्वाङका लागि भोट मागेकी थिइन् ।

त्यस्तै एमालेकी सांसद भगवती चौधरी पनि जेलमा पुगेरका राष्ट्रपतिका उम्मेदवार सुवासचन्द्र नेम्वाङका लागि भोट मागेकी थिइन्।