काठमाडौं ७ माघ । प्रतिनिधि सभाको उपसभामुख पदमा सत्ता गठबन्धनकि इन्दिरा रानामगर निर्वाचित । संसदमा २६४ उपस्थित मध्ये इन्दिरा राना मगरलाई जम्मा १६६ मत ल्याई निर्वाचित भएकी छन् ।
प्रतिनिधिसभाका २७५ सांसदमध्ये उपसभामुखको निर्वाचनमा २६४ जना सहभागी भएका थिए । जसमध्ये इन्दिराको पक्षमा १६६ र विपक्षमा ९७ मत पर्यो । नेपाल मजदुर किसान पार्टीका सांसद प्रेम सुवाल भने तटस्थ रहे ।
नेपाली कांग्रेसले भने उपसभामुखमा मुक्ताकुमारी यादवलाई उम्मेदवार बनाएको थियो । प्रतिनिधिसभामा पहिले इन्दिरा रानामगरलाई सभामुख निर्वाचित गरियोस् भन्ने प्रस्तावमा छलफल हुँदा उनी सभामुखमा निर्वाचित भएकाले कांग्रेसको प्रस्तावमाथि छलफल नै भएन ।
रास्वपाकी सोविता गौतमलाई उपसभामुख बनाउने प्रारम्भिक चरणमा चर्चा भए पनि सत्ता साझेदार दलहरूले रानामगरलाई उपसभामुख बनाउने निर्णय गरेको थियो ।
लामो समय सामाजिक क्षेत्रमा क्रियाशिल रानामगरको राजनीतिक यात्रा नयाँ हो । गत मंसिर ४ गतेको निर्वाचनअघि मात्रै उनी राष्ट्रिय स्वतन्त्र पार्टीमा आबद्ध भएर राजनीति सुरु गरेकी हुन् । राष्ट्रिय स्वतन्त्र पार्टीले उनलाई समानुपातिकतर्फबाट सांसद बनाएको थियो । सयौं बालबालिकालाई पालनपोषण र शिक्षादीक्षा दिएर रानामगरले समाजसेवाको क्षेत्रमा प्रसिद्धि कमाएकी छन् ।
समाजसेवाबाट राजनीतिमा प्रवेश गरेकी राना मगर समानुपातिकबाट सांसद निर्वाचित भएकी हुन्। झापाकी ५२ वर्षीया राना मगर आमाबुवासँग कारागार पुगेका बालबालिकालाई आश्रय र शिक्षा दिँदै आएकी छन्। उनी संस्थापक रहेको बन्दी सहायता नेपालले काठमाडौं, भक्तपुर र झापा लगायतका जिल्लामा १२ बालगृह र दुई विद्यालय सञ्चालन गरिरहेको छ।
उनले विभिन्न जिल्लामा बालगृहसमेत सञ्चालन गरेकी छन् ।
काठमाडौँ, भक्तपुर, झापालगायतका जिल्लामा १२ वटा बालगृह र दुई वटा विद्यालय सञ्चालन गरिरहेकी छन् ।
अशोक फेलो २००५ रहेकी उनी एशिया २१ योङ लिडर पब्लिक सर्भिस अवार्ड २००९, वर्ल्ड चिल्ड्रेन प्राइज अनररी अवार्ड २०१४, बीबीसी उत्कृष्ट १०० महिला २०१७, लगायत दर्जनौँ राष्ट्रिय तथा अन्तर्राष्ट्रिय सम्मान र पुरस्कारहरूबाट सम्मानित भइसकेकी छन् ।
उनी अध्यक्ष रहेको बन्दी सहायता नेपाल गैरनाफामूलक, गैरराजनीतिक, एउटा गैरसरकारी सामाजिक संस्था हो ।
काठमाडौंको साँखुमा कच्ची घरबाट शुरू भएको बन्दी सहायता संस्थाद्वारा सञ्चालित विद्यालयमा १२० जना बच्चाहरूलाई पढाउने गरिएको छ । उनले सञ्चालनमा ल्याएको विद्यालयको नाम ‘जुनकिरी स्कुल’ हो।
झापाको खुदनावारीमा बालगृहका लागि करिब दुई बिघा जग्गा खरिद गरी त्यसमा नयाँ पक्की घर बनाई बालगृह स्थापना गरिएको छ । साथै बुट्टाबारीमा डेड कठ्ठा जग्गामा एउटा छुट्टै जुनकिरी पुस्तकालय तथा जुनकिरी प्राथमिक विद्यालय, मनमाया बालगृह र जंगल गार्डेन बालगृह पनि उनले सञ्चालनमा ल्याएकी छन्।
प्रतिक्रिया दिनुहोस्