बेलायतका राजकुमार ह्यारीको आत्मकथा स्पेयर नामक पुस्तक मंगलबारदेखि संसारभर उपलब्ध भएको छ। १६ भाषामा प्रकाशित स्पेयर बजारमा आउने दिनको पर्खाइमा बसेका पाठकहरू भने अघिल्लो रातिदेखि नै लन्डनका पुस्तक पसलबाहिर लाइनमा बसेका थिए।

पुस्तकको माग अकाशिएपछि लन्डनको पिकाडेली शहरमा भएको पुस्तक पसल मंगलबार एकाबिहानै खोलिएको थियो। यस्तै‚ इयुस्टन, भिक्टोरिया, हिथ्रो र ग्याटविकमा भएको बिक्री केन्द्र पनि नियमित समयभन्दा बढी समय खोलिएका थिए। स्पेयर किन्न रातिदेखि पसलबाहिर लाइनमा बसेकाहरूले घटनाको वास्तविकता संलग्न व्यक्तिकै मुखबाट सुन्न चाहेको बताएका थिए।

ह्यारीको संस्मरण ‘स्पेयर’ प्रति चासो उच्च भइरहँदा पुस्ककका फर्जी प्रति पनि बजारमा आएका थिए। त्यसैले स्पेनमा चाँडो पुस्तक उपलब्ध गराइएको थियो। पुस्तकको प्रकाशक वाटरस्टोनले विगत १० वर्षमा ह्यारीको स्पेयर धरै नै अग्रीम बुकिङ भएको पुस्तक भएको बताएको छ।

पुस्तकमा ह्यारीले आफ्नो कुमारत्व गुमाएको प्रसंगदेखि दाजु राजकुमार विलियमले शारीरिक हमला गरेको घटनाको विवरण रहेको समाचार सञ्चारमाध्यममा आएपछि स्पेयरको माग बढेको थियो। उक्त पुस्तक अहिले संयुक्त अधिराज्यको अनलाइन स्टोर अमेजनमा सर्वाधिक बिक्री हुने पुस्तकको सूचीको शीर्ष स्थानमा छ।

४१० पृष्ठको पुस्तकमा ह्यारीले बेलायती राजदरबारभित्रको द्वन्द्व र व्यक्तिगत तनावका फेरहिस्त दिएका छन्। यस्तै‚ आफू दरबारी वातावरणमा कसरी हुर्किएँ र किन राजकुमारको पदवी त्यागें भन्ने पनि उल्लेख गरेका छन्। पुस्तकमा आएका प्रसंगबारे राजा चार्ल्सको बकिङ्गहम दरबार र राजकुमार विलियम बस्ने केन्सिन्टन दरबारबाट भने अहिलेसम्म कुनै प्रतिक्रिया आएको छैन।

पुस्तकमा ह्यारीले आफ्ना बुवा राजा चार्ल्स तेस्रोलाई पुनः विवाह नगर्न सुझाव दिएको, बेलायती सैनिकका रुपमा अफगानिस्तनमा कार्यतर रहँदा २५ तालिबानी लडाकूलाई मारेको, घातक प्रहारमा परेका कारण लागूऔषध सेवन गर्नु परेको र राजकुमार विलियमकी श्रीमती मेघन र क्याथरिनको सम्बन्ध राम्रो नभएको उल्लेख गरेका छन्। पुस्तकमा दाजुभाइबीचको दरारको पनि वर्णन छ।

यस्तै‚ आफ्नी आमा राजकुमारी डायनालाई गुमाउनु पर्दाको पीडालाई पनि पुस्तकमा उल्लेख गरेका छन्। उक्त पीडाले आफूलाई ‘मानसिक रुपमै घाइते बनाएको’ ह्यारीको भनाइ छ। पुस्तक प्रवर्द्धनका लागि दिइएको अन्तर्वार्ताहरूमा ह्यारीले आफ्नी आमा डायनालाई पच्छ्याउने काममा मिडिया जिम्मेवार रहेको बताउँदै अब आफ्नो जीवनको उद्देश्य मिडियाको त्यो चित्रलाई परिवर्तन गर्नु रहेको बताएका छन्।

पुस्तकमा राजकुमार ह्यारी र विलियमले एकअर्कालाई ‘ह्यारी’ र ‘विल्ली’ भनेर बोलाउने गरेको, आफूले ‘टिके म्याक्स’को छूटको स्टलमा गएर कपडा किन्ने गरेको र टेलिभिजन शृङ्खला ‘फ्रेन्ड्स’ हेर्ने गरेको जस्ता प्रसंग पनि समेटिएका छन्।

उनले महारानी एलिजाबेथको देहावसानको खबर पारिवारिक स्रोतभन्दा पहिला बीबीसीको बेवसाइटबाट थाहा पाएको उल्लेख गरेका छन्। पुस्तकको कृतज्ञता खण्डमा राजपरिवारका सदस्यहरूको नाम हटाइएको छ। तर, उनले बेलायतमा भएका आफ्ना साथीहरूलाई विशेष धन्यवाद दिएका छन्। जो ‘कुहिरोको बीचमा’ रहेका छन् र ‘उनका कारण चेपमा परेको’ उल्लेख गरेका छन्। उनले थेरापिस्टले आफ्नो वर्षौंदेखि भोगिरहेको चोटको निवारणमा सहयोग गरेको बताएका छन्।

राजपरिवार, रानी क्यामेलिया र राजकुमार विलियम दम्पतीबीच सम्बन्ध सुमधुर नभएको कुराले पनि धेरै विवाद निम्त्याएको छ। पुस्तकले पारिवारिक सौहाद्रता विकास गर्न सहयोग पुर्‍याउला त भन्ने प्रश्नमा ह्यारीले आफू र आफ्नो परिवारबीचको दरार पुस्तकभन्दा ठूलो नहुने बताएका छन्।

“केही घटनाहरूले मलाई अझै कोध्रित तुल्याउँछ। तर‚ अहिले म कसैसँग क्रुद्ध छैन किनभने म जहाँ हुनुपर्ने हो त्यही ठाउँमा छु,” उनले एक अन्तर्वातामा भनेका छन्।

पुस्तक चाँडै हात पार्न भिक्टोरिया स्टेशनमा लाइन बसेका प्राध्यापक क्रिस इमाफिदोनले ह्यारीले किन राजपदवी त्यागे भन्ने जिज्ञासा आफूलाई भएको बताए। “म उनकै मुखबाट वास्तविकता के हो भन्ने सुन्न चाहन्छु,” उनले भने।

पुस्तक किन्ने चाहनेको लाइनमै थिइन् अस्ट्रेलियाबाट लन्डन बसाइँ आएकी २७ वर्षीया सासा पर्सल। “मैले पुस्तकबारे जताततै यति धेरै सुनें कि मलाई पुस्तक कहिले पढुँ भन्ने खुल्दुली लाग्यो,” उनले भनिन्, “म कहिल्यै यसरी मध्यरातको विमोचनमा सहभागी भएकी थिइनँ।”

दक्षिण लन्डनमा बसोबास गर्ने ४६ वर्षीया साहरा नाकानाले आफूले अडियो बूक डाउनलोड गरिसकेको बताउँदै ‘बेलायती प्रेस र तिनको कथन’बाट प्रभावित नहुन पुस्तक चाँडै पढ्न चाहेको बताइन्।

(बीबीसीमा प्रकाशित सिन कोलहनको रिपोर्टको नेपाली अनुवाद) अहिले ह्यारीको पुस्तक बल्याक मार्केटमा समेत सर्कुलेट भइरहेको छ । )