काठमाडौं ११ पुस । नेकपा एमाले उपाध्यक्ष विष्णु पौडेलको नेतृत्वमा एमाले प्रचण्ड नेतृत्वको गठबन्धन ससरकारमा जाने भएको छ।अध्यक्ष केपी शर्मा ओलीको बालकोटस्थित निवासमा बसेको काठमाडौंमा उपलव्ध पदाधिकारीसहितको बैठकले आफ्नोतर्फबाट सरकारको नेतृत्व विष्णु पौडेलले गर्ने निर्णय लिएको हो।

एमालेले सात दलीय गठबन्धनमा ६ वटा मन्त्रालय पाउने भएको छ।
एमाले महासचिव शंकर पोखरेलले मंसिर ४ को निर्वाचनमा विजयी उपाध्यक्षमध्ये एकजनाले सरकारको नेतृत्व गर्ने बताए ।
पौडेलले गृह या अर्थमन्त्रालय सहित उपप्रधानमन्त्री हुनेछन्।

पौडेलले अर्थमन्त्रालयलेको नेतृत्व गर्ने बताइएको छ ।

आइतवार बालकोटमा भएको सात दलीय गठबन्धनको बैठकले पनि प्रधानमन्त्री माओवादीले लिँदा राष्ट्रपति र सभामुख एमालेले लिने समझदारी गरेको थियो।

प्रधानमन्त्री पुष्पकमल दाहाल प्रचण्डले सोमबार अपरान्ह ४ बजे शपथ लिँदैछन्।

एमालेले यसअघि सरकारबारे निर्णय लिने जिम्मा ओलीलाई दिएको छ। माओवादीबाट नारायणकाजी श्रेष्ठ उपप्रधानमन्त्री हुँदैछन्। आज ससत्तारुढ ७ दलको तर्फबाट ७ देखि ९ सदस्यीय मन्त्रिमण्डल गठन हुने बताइएको छ ।
सरकारका दुई उपप्रधानमन्त्री बन्ने नेताहरु पौडेल र श्रेष्ठले वाम गठबन्धनका लागि शुरु देखि नै काम गरिरहेका थिए ।