काठमाडौं ११ पुस । सत्तारुढ नेकपा माओवादी केन्द्रको सोमबार बिहान ८ बजे पदाधिकारी बैठक हुने भएको छ । प्रधानमन्त्रीमा अध्यक्ष प्रचण्ड नियुक्त भएसँगै माओवादीले पदाधिकारी बैठक बोलाएको हो ।
‘सोमबार बिहान ८ बजे पदाधिकारी बैठक बोलाइएको छ । बैठक पार्टी कार्यालय पेरिसडाँडामा बस्नेछ’, माओवादी केन्द्रका सचिव लिलामणि पोखरेलले बता । ‘बैठकमा पछिल्लो राजनीतिक अवस्थाका बारेमा छलफल हुन्छ ।’ सत्ता गठबन्धनमा माओवादीले प्रधानमन्त्रीसहित ६ वटा मन्त्रालय पाउने सहमति भएको छ ।आजै ११ बजे सत्ता गठबन्धनको बैठक बोलाइएको छ । गठबन्धनको बैठक संसद् भवन नयाँ बानेश्वरमा हुने भएको छ । गठबन्धनको बैठकपछि ५–७ सदस्यीय मन्त्रिमण्डल बनाउने योजना रहेको छ ।
प्रतिक्रिया दिनुहोस्