काठमाडौँ । प्रधानन्यायाधीश चोलेन्द्रशम्शेर राणा आजदेखि सर्वोच्च अदालत फर्कने भएका छन् । प्रतिनिधिसभाको कार्यकाल समाप्त भएसँगै महाअभियोग निष्प्रभावी बनेको भन्दै प्रधानन्यायाधीशकै हैसियतमा राणा आइतबार सर्वोच्च अदालत फर्किन लागेका हुन ।
उनले प्रतिनिधिसभाको कार्यकालसँगै महाअभियोगको विषयमा सम्पूर्ण रूपमा सकिएकाले आजबाट सर्वोच्च फर्किन लागेको जानकारी दिएका छन् ।
प्रधानन्यायाधीश राणाले आफू बिहान ११ बजे सर्वोच्च अदालतमा पुग्ने जानकारी दिएका छन् । राणाले आफू अदालतका कामका लागि फर्किन लागेको जानकारी सर्वोच्च अदालतको प्रशासनमा समेत गराएका छन ।
सत्तारूढ दलका सांसदले संविधान र कानुनको अपव्याख्या हुने गरी गरी अर्को प्रतिनिधिसभामा महाअभियोग पेश हुने गरी अघि बढाउन भन्दै सभामुखलाइ सिफारिस गरेको भोलिपल्टै प्रधानन्यायाधीश राणा काममा फर्किन लागेका हुन । उनले यसअघि संसदीय समितिमा उपस्थिति भएर नै महाअभियोगको औचित्य समाप्त भैसकेको बताएका थिए ।
राणामाथि छानबिन गरिरहेको संसदको आयु नै शनिबार रातिदेखि सकिएको छ । प्रतिनिधिसभाको कार्यकाल सकिएसँगै महाअभियोग स्वतस् निष्क्रिय भएकाको छ । यद्यपी सत्तारूढ दलका कानुनव्यवसयाीले त्यसलाइ अस्वीकार गर्दै आएका छन । संसदीय समितिमा रहेका ११ सदस्य मध्ये ५ सदस्य महाअभियोगको विपक्षमा रहेका छन । दलको रूपमा एमाले र लोसपा महाअभियोगको विपक्षमा उभिएका छन ।
प्रतिक्रिया दिनुहोस्