काठमाडौं, १३ भदौ । सिटी अस्पतालका प्रबन्ध निर्देशक हुन अर्जुन पौडेल । युवा व्यवसायी भएकै कारण भैरहवामा जहा आफु जन्मिए त्यही ठाउमा केही गर्नु पर्छ भन्ने हुटहुटिले अहिले भैरहवाकै सानको रुपमा अस्पताल बनेको छ । १० वर्षदेखि भाडाको घरबाट बिरामीको सेवा सुरु गरेका पौडल अहिले सिद्धार्थनगर सिटी अस्पताल प्रा.लिको आफ्नै भवन बनाउन सफल भएका छन ।
रुपन्देहीको मायादेवी गाउँपालिका ८ मा करिब १ अर्बको लगानीमा अस्पताल बनाएका छन । मेडिकल क्षेत्रकै बिद्यार्थी भएकै कारण समेत आफनो जन्म स्थानमा मेडिकल क्षेत्रमा केही गर्नु पर्छ सोचको बिकासको प्रतिफलनै अहिले बनेको सुविधा सम्पन्न अस्पताल हो । २० बर्ष अघि पौडलको सपना थियो मेडिकल क्षेत्रमा आफ्नै गाउ ठाउमा कुनै स्वास्थ्य संरचना निमार्ण गर्ने । त्यही सपना अहिले दुई दशकको अवधिमा पुरा भएको छ । भैरहवाकै सानको रुपमा ठडिएको छ सिद्धार्थनगर सिटी अस्पताल ।
कसरी आयो अस्पताल बनाउने सोच
अर्जुन पौडेल भैरहवाकै स्थानीय युवा हुन । जब पौडलले भैरहवाबाट उपचारका लागि नेपालीहरु भारतका बिभिन्न स्थानमा जाने र उपचार गर्नका लागि भारतकै भरपर्दा धेरै बिरामीहरु अकालमै ज्यान गुमाउनु पर्दा पौडलको मन अमिलो हुने गर्दथ्यो । उपचार गर्न गएकाहरुको जिवन मात्रै होइन लाखौ खर्च हुदा उनिहरुका परिवारका पीडा पनि कम थिएनन । नेपाली भएर समेत उपचारको क्रममा भारतकै भर पर्ने स्थानीय देखि छिमिकी जिल्लाबाट आउने बिरामीको पीडाले अब स्वास्थ्य क्षेत्रमा केही गनुपर्छ भन्ने सोच आएको पौडल बताउछन ।
यही सोचले आफु निकटका केही साथीहरुसगको समन्वयमा २०६७ सालमा सिटि अस्पतालको जन्म भयो । अस्पतालको स्थापनापछि बिरामीको चाप निरन्तर बढ्दै गयो । सामान्य अस्पतालमा समेत जटिल बिरामीहरु आउने क्रम बढ्दै गयो । उपचार सम्भव हुनेको उपचार त्यहि नहुने बिरामीको काठमाडौ र भारत रेफर गर्नु पर्ने बाध्यता खड्किरह्यो । बिस्तारै अस्पतालले गति लिदै गयो । अब काठमाडौ र भारतमा समेत बिरामी पठाउन नपर्ने गरि सुविधा सम्पन्न अस्पताल बनाउने सपना २० वर्षपछि पुरा भएको छ निर्देशक पौडेलको ।
अस्पतालको यात्रा
२०६७ सालमा नया सडकमा ६ महिनासम्म संचालन भयो । स्थान कम भएपछि लुम्बिनी रोडमा सारियो । लुम्बिनी रोडमा १५ वेडसहित करीव ९ बर्ष स्वास्थ्य सेवा सञ्चालन भइरह्यो । अस्पतालले किडनी डाईलासिस सेवा, मृगौला रोग ,बालरोग , सर्जरी, फिजिसिन हाडजोर्नी, स्त्री तथा प्रसुती सेवालाई बिस्तार गर्दै गयो । यसरी सेवालाई बिस्तार गर्दा बिरामीको चाप र वेड अभाव भएपछि १५ वेडबाट २०७२ सालमा ५० बेड र त्यसको ६ वर्षपछि २०७८ मा एक सय वेड सहितको अस्पताल बन्यो । प्रबन्ध निर्देशक पौडेल भन्छन २० वर्ष अघि मनमा जुन सपना थियो अहिले पुरा भएको छ ।
अब अझै केही गर्नु पर्छ भन्ने सोच रोकिएको छैन । अहिले अस्पतालमा १ अर्ब लगानी भइसकेको छ । अस्पताल अहिले मानवसेवाको स्थल जस्तै बनेको छ । दौनिक हजारौ बिरामीहरुले उपचार लिइरहेका छन । अस्पतालमा लग्जरीयस क्यावीन, विदेशी तथा भिआईपी बिरामीहरुका लागी ईन्टरनेशनल कम्प्लेक्ससहित ओपिडिसेवा दिन सकिन्छ । लुम्बिनी अन्र्तराष्ट्रिय बिमानस्थलको नजिकै अस्पताल रहेका कारण बिमानस्थलबाट आउने बिरामी पाहुनालाई लक्षित गरि ३ वटा अब्र्जवेशन बेड र २ वटा स्वीट सहित अन्र्तराष्ट्रिय युनिट रहेको छ । अस्पताल नजिकै भगवान गौतमबुद्धको जन्मस्थल लुम्बिनी समेत रहेकाले विदेशी पर्यटनदेखि कुटनितीक नियोग, उच्चपदस्थ व्यक्तिलाई समेत आपतकालिन उपचार गर्न अस्पताल तयार गरेर राखेको पौडेल बताउछन् ।
के के छन सुविधा
डाईलासीस,आईसियु ,अत्याधुनिक उपकरण , स्टिल अप्रेसन थे्रटर तिन वटा रहेका छन् । अस्पताल पुर्ण डिजिटल ,बिरामीहरुका लागि ¥याम्प र लिफ्टको सुविधा । अस्पतालमा बिरामीको सुरक्षाको लागि फायर फाईटिङ सिस्टम, फायर आलरम सिस्टम, ईस्मोक डिडेक्टर सिस्टम , चट्याङबाट बचाउन रड्रसिस्टम अस्पतालमा जडित छन् । आजका दिनमा हेयर टान्सप्लान्टका लागि, अमेरिका , ईजरायल, जापान,स्पेन, क्यानडा र पोखरा काठमाडौबाट पनि धेरै जना यहा आउने गरेका छन् । निसन्तान दम्पतिका लागि अत्याधुनिक आईभिएफ सेन्टर अस्पतालमा संचालनमा छ ।
रोग पहिचान तथा उपचारका लागी आवश्यक पर्ने अत्याधुनिक प्रविधि तथा उपकरणहरु, प्रयोगशालामा हुने अटोमेटिक एनालाईजर, ६४ स्लाईस सिटी स्क्यान, मोड्युलर अपरेशन, आईसियुका लागी भेन्टिलेटरको ब्यवस्था छ । अस्पतालले हाडजोर्नी तथा मेरुदण्ड अपरेशन सेवा, दुरविनबाट गरिने पत्थरी अपरेशन लगायत सम्पूर्ण अपरेशन सेवा, डाईलासिस सेवा, छाला सम्बन्धि लेजर सर्जरी तथा कपाल प्रत्यारोपण सेवा दिइरहेको छ ।
प्रतिक्रिया दिनुहोस्