काठमाडौं । प्रधानमन्त्री शेरबहादुर देउवाले सीमासम्वन्धी विषय संवेदनशील रहेको भन्दै वार्ता र संवादबाट समाधान गरिने बताएका छन् ।
सरकारको नीति तथा कार्यक्रममा उठेका प्रश्नको जवाफ दिँदै प्रधानमन्त्री देउवाले कालापानी, लिपुलेक र लिम्पियाधुरा नेपालकै भूमि रहेको स्पष्ट पारेका छन् ।
नेपालले असंलग्न परराष्ट्र नीति अवलम्बन गर्दै आएको र नेपाली भूमिको रक्षा गर्न प्रतिबद्धसमेत रहेको भन्दै उनले सीमासम्बन्धी विषय संवेदनशील भएको बताउँदै वार्ता र कूटनीतिक माध्यमबाट समाधान गर्ने प्रतिवद्धता जनाए ।
पूर्वप्रधानमन्त्री एवं नेकपा एमाले अध्यक्ष केपी शर्मा ओलीले नेपाली भूमि फिर्ता गर्न नसकेको भन्दै सरकारको आलोचना गरेका थिए ।
प्रतिक्रिया दिनुहोस्