काठमाडौँ, ३० बैशाख । नेपाली कांग्रेस चितवनका सभापति राजेश्वर खनाल र माओवादी केन्द्रका जिल्ला संयोजक रामचन्द्र पौडेललाई गीतानगरका स्थानीयले नियन्त्रणमा लिएका छन् ।

सुकुम्वासी बस्तीमा पैसा बाँडेको आरोप खनाल र पौडेललाई आज बिहान स्थानीयले नियन्त्रणमा लिएका थिए । भरतपुर-१३ रामजानकी टोलका बासीन्दाले उनीहरुलाई नियन्त्रणमा लिएका हुन् । उनीहरुसँगै गाडीमा नेकपा माओवादीका अध्यक्ष पुष्पकमल दाहालको निर्वाचन क्षेत्रका स्वकीय सचिव निशा न्यौपाने रहनुभएको छ। शुक्रबार बा १६ च ७५४४ नम्बरको स्कारर्पियो जीपसहित उनीलाई स्थानीयले नियन्त्रणमा लिएका थिए ।

स्थानीयले ३ घण्टा नियन्त्रणमा राखेपछि प्रहरीले उनीहरुलाई उद्धार गरेर भरतपुर ल्याएको हो ।