काठमाडौ । नेकपा माओवादी केन्द्रका अध्यक्ष पुष्पकमल दाहाल प्रचण्डले भरतपुर महानगरपालिकाबाट मतदान गरेका छन् । शुक्रबार मतदान सुरु भएको केहिछिनमा नै भरतपुर महानगरपालिका १४ बाट उनले मतदान गरेका हुन् ।
भरतपुरस्थित शान्तिपुरको नेपाल प्रहरी स्कुल केन्द्रमा उनले मतदान गरेका हुन् ।
नेकपा एमालेका उपाध्यक्ष्ँविष्णु पौडेलले रपन्देहीको तिलोत्तमा मतदान केन्द्रबाट विहानै मतदान गरेका छन् । सभामुख अग्नि सापकोटोले सिन्धुपाल्चोकबाट मतदान गरे भने गृहमन्त्री बाल कृष्ण खाणले बुटवल उपमहानगरपालिकामा मतदान गरेका छन् । विहानै अर्थमन्त्री जनार्दन शर्माले रुकुम र उर्जा मन्त्री पम्फा भूसालले ललितपुरबाट मतदान गरेकी छन् ।
यससैगरी काठमाडौ महानगरपालिकाका मेयरका उमेद्वार केशव स्थापित र सिर्जना सिंहले समेत विहानै काठमाडौबाट मतदान गरेका छन् ।
माओवादी नेता दीनानाथ शर्मा र शिक्षामन्त्री देवेन्द्र पौडेलले बागलुंग नगरपालिका वडा नं१२ अमलाचौरको पृथ्वी माविमा पहिलो मतदान गरेका छन् ।
नेपाली कांग्रेसका नेता रामचन्द्र पौडेलले शुक्रबार मतदान गरेका छन् ।
उनले बिहान ७ बजे व्यास नगरपालिका (२ सत्यवती माध्यामिक विद्यालयको मतदान केन्द्र ुखु मा मतदान गरेका हुन् ।
नेकपा माओवादी केन्द्रका नेता वर्षमान पुन र पूर्वसभामुख ओनसरी घर्तीले गृहजिल्ला रोल्पाको नगरपालिका–७ माडीचौरस्थित बालउदय मावि केन्द्रबाट मतदान गरेका छन् ।
मतदानपछि संक्षिप्त प्रतिक्रिया दिँदै नेता पुनले निष्पक्ष, स्वतन्त्र र भयरहित वातावरणमा आफूलाई मन पर्ने उम्मेदवारलाई मतदान गर्न आग्रह गरेका छन् ।
निर्वाचन शान्तिपूर्ण वातावरणमा सम्पन्न गर्न आफ्नो दलका तर्फबाट सबै प्रकारको सहयोग गर्न तयार रहेको पुनले प्रतिवद्धता जनाएका छन् ।
संविधानले निर्धारण गरेको हरेक ५ वर्षमा हुने स्थानीय तह निर्वाचन शुक्रबार हुँदै छ । संविधान जारी भएपछि दोस्रोपटक स्थानीय तह निर्वाचन हुन लागेको हो । यो निर्वाचन नेपालको इतिहासमा नै पहिलोपटक एकैपटक देशभर हुन लागेको हो ।
प्रतिक्रिया दिनुहोस्