रोल्पा, पूर्व सभामुख एवं नेकपा (माओवादी)  केन्द्रका प्रवक्ता कृष्णबहादुर महराले साहित्य भनेको समाजलाई सचेत एवं परिवर्तनको चेतना प्रदान गर्ने एउटा बलियो माध्यम भएको बताउँदै त्यसलाई अझै प्रभावकारी रुपमा अगाडि बढाउनुपर्ने बताउनुभयो  ।

पूर्व सभामुख कृष्णबहादुर महराले रोल्पाले जनयुद्धको बेला गरेको बलिदानले नै आज नयाँ नेपाल निर्माण भएको दावी गर्दै भन्नुभयो “रोल्पा जिल्ला ध्वंस गर्ने मात्रै भएन अब निर्माण गर्न चहाएको छौ, जनयुद्धमा सबैभन्दा बढी बलिदान रोल्पाबाट बलिदान भएको छ त्यसैले यो शहीदहरूको बलिदानबाट आर्जेको जिल्ला अब निर्माण तिर लागेका छौँ । भन्ने  सन्देश साहित्यबाट दिनका लागि अपिल गर्नुभयो ।

सो विचार समाजको लागि शब्द भन्ने नाराका साथ सुनिल  स्मृति  साहित्य महोत्सव सुलिचौरको उद्घाटन गर्दै महराले बताउनुभयो ।  उहाँले जनयुद्धको जगमा रोल्पामा विकास निर्माणको लहर आएको बताउँदै त्यसका लागि सबैले जनयुद्धलाई आत्मसाथ गर्नका लागि अपिल गर्नुभयो । पूर्व सभामुख कृष्णबहादुर महराले आफ्नो कार्यकालमा हात हातमा मोबाइल, घर घरमा इन्टरनेटको नाराले आज सार्थकता पाएर देश नै सञ्चारमामय  भएको बताउनुभयो । यस्तै देशमा सडक, विजुली भौतिक पूर्वाधार र जनताको चेतनाको विकास भएको बताउनुभयो ।

उहाँले रोल्पा जिल्लालाई विगतको राज्यसत्ताबाट उपेक्षित बताउँदै  लुकेको जिल्ला भएपनि  अब साहित्य क्षेत्रबाट अगाडि बढाउनको लागि अनुरोध गर्नुभयो । महाराले  महान शहीद “कृष्ण सेन इच्छुक “ले रोल्पाको बारेमा यहाँको आत्मियतालाई अगाडि बढाउनको लागि लेखमा मार्फत अभिव्यक्त गरेको बताउनुभयो । रोल्पाको अभाव र गरीबीको बारेमा भए पनि लेखेर अभिव्यक्त गरेको बताउँदै महराले आगामी दिनमा आजै हजारौँ इच्छुकको जन्म हुनु पर्ने बताउनुभयो ।

कार्यक्रममा प्रमुख अतिथि कृष्णबहादुर महराले २३ वर्ष अगाडिको एउटा कविता सुनाउँदै भन्नुभयो  “२०३८ सालमा नुन बोक्ने भरिएको जीवनलाई अभिव्यक्त गर्नका लागि ‘हतारो’ पत्रिका प्रकाशन गरेका थियौँ, त्यतिबेला प्रमुख जिल्ला अधिकारीले तारेख लगाएका थिए त्यो पनि विद्रोहको एउटा माध्यम थियो यदी उहाँको विरुद्धमा बोलेर त आज राजनीतिकमा आएर देश परिवर्तनका लागि योगदान दिन पाएका छौ  ।” त्यसमा किमबहादुर थापा ‘सुनिल’, खगेन्द्र विष्ट लगायतको टिममा सहभागितामा प्रकाशन गरेको महराले बताउनुभयो  ।

उहाँले साहित्य समाजको ऐना भएर रोल्पा जिल्लाको बलिदान, त्याग, तपस्या बलिदानको बारेमा साहित्यबाट बाहिर लेख्न, बोल्न र प्रचार प्रवाह गर्नका लागि अनुरोध गर्नुभयो । मनतव्यको अन्तमा २०३८ सालमा लेखेको कविता प्रस्तुत गर्नुभएको थियो ।