काठमाडौं । माओवादी केन्द्रका अध्यक्ष पुष्पकमल दाहाल प्रचण्डले एमाले अध्यक्ष केपी शर्मा ओलीलाई नेपालकै ठग भएको आरोप लगाउनुभएको छ ।
पूर्वि चितवनमा मन्त्रीपरिषदका चार सदस्य सहित पुग्नुभएका अध्यक्ष प्रचण्डले तीन वर्ष एमाले अध्यक्ष ओलीसंग संगत गरेर यस्तो थाहा पाएको बताउनुभएको हो । उहांले आफु फेरिपनि पूर्वि चितवनमा दुइ दिन वस्नेगरि आउने आश्वासन दिदै एमाले ठग्न जन्मिएको पार्टी भएको आरोप लगाउनुभयो । तर माओवादी केन्द्र भने गरिब किसान र सुकुम्वासीको हातमा लालपुर्जा वाडन जन्मिएको पार्टी भएको दावी समेत गर्नुभएको छ । उहांले माओवादी असफल भए देशनै असफल हुने बताउनुभयो ।माओवादी पार्टीलाई पुर्नगठन गर्ने अभियानमा लागेको बताउदै चार पाँच महिनामा माओवादी ठूलो पार्टी बन्ने दावी गर्नुभयो ।
सुकुम्वासीलाइ जग्गा वितरणको काम महोत्तरीबाट सुरु भएको र यसपछि चितवनमा सुकुम्वासीलाइ लालपुर्जा वितरणको काम हुने पनि बताउनुभयो ।
प्रतिक्रिया दिनुहोस्