काठमाडौं । प्रधानन्यायाधीशको राजीनामा माग्दै इजलासमा नबसेका सर्वोच्च अदालतका १७ न्यायाधीशहरुले प्रधानन्यायाधीश चोलेन्द्रशम्शेर जबरास“ग वार्ता गर्न ३ न्यायाधीश तोकेका छन् आइतबार बसेको न्यायाधीशहरुको बैठकले प्रधानन्यायाधीश जबरास“ग वार्ताका लागि न्यायाधीश अनिलकुमार सिन्हा, सपना प्रधान मल्ल र डा. मनोजकुमार शर्मालाई जिम्मा दिएका छन् । उनीहरुलाई प्रधानन्यायाधीश जबराको बहिर्गमन कसरी सहज हुन्छ भन्ने विषयमा छलफल गर्ने जिम्मेवारी दिइएको बताइएको छ ।
स्रोतका अनुसार सर्बोच्चकै एक न्यायाधीशस“ग प्रधानन्यायाधीश जवराले आफूले सम्मानजनक वहिर्गमन गर्ने आशय व्यक्त गरेपछि न्यायाधीशहरुले अनौपचारिक रुपमै वार्ताका लागि प्रतिनिधि तोकेका हुन् । यसैबीच आइतबार दिउ“सो ३ न्यायाधीशले प्रधानन्यायाधीशस“ग छलफल गरेका छन् । न्यायाधीशहरुले प्रधानन्यायाधीश जबराले न्यायालयको नेतृत्व गर्न नसकेको भन्दै राजीनामालाई मुख्य एजेण्डा बनाएका छन् । उनीहरुले झण्डै एक हप्तादेखि मुद्दाको सुनुवाइ पनि गरेका छैनन् ।
प्रतिक्रिया दिनुहोस्