काठमाडौं । नेकपा (एमाले)का अध्यक्ष केपी शर्मा ओलीले आफू नेतृत्वको सरकार ढाल्न भूमिका खेल्ने जति विरोधी भएको बताउनुभएको छ । पार्टीको पहिलो विधान महाधिवेशनको समापन सम्बोधनमा आइतबार ओलीले विरोधी को हुन् भन्नेबारे शास्त्र पढ्न आवश्यक नभएको र एमालेस“ग लडिराखेका जति विरोधी भएकोबारे कार्यकर्ताहरूलाई स्पष्ट हुन आग्रह गर्नुभयो । ओलीले पार्टीको विरोधी को हो र को होइन भनेर अल्मलिन जरुरी नभएको पनि बताउनुभयो । कसैले गालामा हान्यो भने सिद्धान्त हेर्न नहुने भन्दै त्यसरी गालामा हान्ने व्यक्ति विरोधी भएको उहा“को भनाइ थियो । एमालेमा बिग्रिएका मान्छेहरू बाहिरिएको ओलीको भनाइ थियो । उहा“ले सप्रिएका जति सबै एमालेमै रहेको पनि बताउनुभयो ।
कतिपय स्थानीय तहमा रहेका नेता र कार्यकर्तालाई भ्रम र अलमलमा पारेर अर्कै पार्टीले लगेको हुन सक्ने भन्दै तिनलाई फिर्ता ल्याउन भूमिका खेल्न ओलीले निर्देशन दिनुभयो । एमाले काम लाग्दैन भनेर केही मान्छेले निर्वाचन आयोगमा नया“ दल दर्ता गरी खोलेको ओलीको भनाइ थियो । विधान महाधिवेशनस्थल र शहरका विभिन्न भागमा अध्यक्ष ओलीका ठुल्ठूला तस्बिर र डमी लगाएर आफूलाई देवत्वकरण गरिएको भनेर आएका आलोचनाकोे जवाफ दिंदै ओलीले विरोधीले एमालेको एकता भा“ड्न त्यस्तो भ्रम फैलाएको दाबी गर्नुभयो । एमालेले कसैलाई कसैलाई देवता नमान्ने र कसैलाई देवत्वकरण नगर्ने तर नेतृत्वका वरिपरि पार्टी र आन्दोलन एकत्रित हुने बताउनुभयो । आफ्ना डमी बनाउने र ठुल्ठूला पोस्टर लगाउने कार्य नेतृत्वको वरिपरि पार्टी र आन्दोलन एकत्रित भएको रूपमा अथ्र्याउ“दै ओलीले पुष्पलालदेखि माओसम्मका उदाहरण दिनुभयो ।
नेपालमा कम्युनिस्ट नेताहरूलाई स्थापित हुन नदिएको ओलीको भनाइ थियो । उहा“ले मदन भण्डारी र पुष्पलाललाई स्थापित हुन नदिएको बताउनुभयो । ओलीले आफ्नो स्वास्थ्यलाई पनि आलोचनास“ग जोड्दै विरोधीहरू आफू बा“चेकोमा नै चिन्तित रहेको बताउनुभयो । आगामी महाधिवेशनबाट अध्यक्षका रूपमा दोहोरिनका लागि ७० वर्षे उमेर सीमामा संशोधन गरिएको भन्ने चर्चाका बीच ओलीले कार्यकर्ताहरूलाई एमालेलाई सुदृढ बनाएर छोड्ने दावी गर्नुभयो ।
प्रतिक्रिया दिनुहोस्