काठमाडौं । उपत्यकाका विभिन्न सडक र चोकमा थुप्रिएको फोहोर बुधबार विहानबाट उठ्ने भएको छ । काठमाडौं महानगरपालिकाका प्रमुख विद्यासुन्दर शाक्यको संयोजकत्वमा काठमाडौंका प्रमुख जिल्ला अधिकारी, सडक विभागका महानिर्देशक, प्रहरी वरिष्ठ उपरीक्षकलगायतको बैठकले फोहोर उठाउने निर्णय गरेको हो । करिब एक महिनादेखि काठमाडौं उपत्यकाको फोहोर उठ्न सकेको छैन । काठमाडौं महानगरपालिका, ललितपुर महानगरपालिकासहित नगरपालिकाले सडकको अवस्था बिग्रिएको भन्दै फोहोर उठाउन छाड्दा शहरका सडक, गल्ली, चोक र नदी किनारमा पनि फोहोरका डंगुर थुप्रिएका छन् ।
लामो समयसम्म फोहोर नउठाउंदा महानगरसगै उपत्यकामा प्रदुषण बढ्ने भएकाले सरोकारवाला निकायस“गको छलफलपछि फोहोर उठाउने निर्णयमा पुगेको महानगरपालिकाका प्रमुख शाक्यले जानकारी दिनुभयो । प्रमुख शाक्यले फोहोर व्यवस्थापनका लागि विभिन्न निकायस“ग निरन्तर छलफल गरिरहेको पनि जानकारी दिनुभयो । सिसडोलमा फोहोर व्यवस्थापनको काम ०६२ सालदेखि हुदै आएको र त्यसको सबै जिम्मेवारी शहरी विकास मन्त्रालयको भएको भन्दै उहा“ले प्रधानमन्त्री र विभिन्न निकायस“ग अपील गरेर फोहोर उठाउने वातावरण बनाइएको जनकारी दिनुभयो । मेयर शाक्यले फोहोर व्यवस्थापन गर्ने जिम्मेवारी महानगरपालिकाको मात्रै नभई सम्पूर्णको समस्या हो भन्दै त्यसैले सबैतिरबाट सकारात्मक सहयोगको अपेक्षा गरेको पनि बताउनुभयो ।
प्रतिक्रिया दिनुहोस्