काठमाडौं । एमाले र माओवादी बीचको पार्टी एकतामा नेताहरुको स्थान कसको कहां पर्छ भन्ने संशय र त्रास बढीरहेका बेला एमाले सचिव प्रदीप ज्ञावलीले एकताको महान उद्धेश्य सफल पार्न आफू साधारण सदस्य भएर पनि बस्न तयार रहेको बताएका छन् । एबीसी टेलिभिजनको कार्यक्रम आउटलुकका लागि शुभशंकर कंडेलसंग कुरा गर्दै ज्ञावलीले भने एमाले र माओवादी मध्ये एउटाले अर्कोलाई निल्ने तहमा पनि पुगिएको थियो । तर स्थितिले निल्न नसकेपछि मिल्न आइपुगेको जस्तो बनाएको छ । उलने भने एकता प्रमुख कुरा हो बांकी सबै तपसिलका विषय हुन् । ओली र प्रचण्डले जे निर्णय गर्छन त्यो सबैले मान्ने अवस्था भएकाले एकता कुनै पनि हालतमा रोकिने अवस्थामा छैन ।

ज्ञवालीले चुनावका बेलाको सन्दर्भ समेत कोट्याउंदै भने दुवैतिरका कार्यकर्ता र समर्थकको सम्वन्ध कस्तो होला भनेको त चुनावका बेलामा को एमाले हो को माओवादी हो छुट्याउन नै नसकिने गरी एकता भएको देखियो ।
तल्लो तहमा कार्यकर्ता र समर्थकको बीचमा गज्जबको रसायन भइसकेको बताउंदै ज्ञावलीले अब एकताबाट कोही पछि हट्न खोजे इतिहास र जनताले माफी नदिने चेतावनी दिए ।
ज्ञावलीका अनुसार एकताका लागि सैद्धान्तिक आधारका रुमपा संयुक्त चुनावी घोषणापत्रमा नै धेरै कुरा स्पष्ट गरिएको छ । “इतिहासको मूल्यांकनमा अल्मलिएर बर्तामानको कार्यभार पूरा गर्नबाट बञ्चित हुन सकिंदैन“ ज्ञावलीले भने ।
भारतीय संस्थापन अझै पनि बामपन्थी शक्ति फुटाउन सकिन्छ कि भनेर ढुकिरहेको बताउंदै ज्ञावलीले भने “आसोज १७ राजनीतिक झट्का थियो, अहिलेको दुष्प्रचार त्यसकै एफ्टर शक हो ।“
ज्ञावलीसंगको अन्तर्वार्ता शनिबार राती ९ बजे प्रसारण भएको छ भने पुन प्रसारण आइतबार विहान ७ बजे र दिउंसो २ बजे प्रसारण हुन्छ । अन्तर्वार्ता एबीसी टेलिभिजनको अफिसिएल फेसबुक पेज facebook.com/abc television nepal र youtube.com/abc news nepal मा पनि हेर्न सकिन्छ ।