काठमाडौं २७ चैत । नेपाली कांग्रेसका सभापति शेरबहादुर देउवाले चर्को दबाव पछि आजका लागि बोलाएको तीन दलको बैठकमा सहमति नभएमा माओवादीले आकस्मिक निर्णय गर्ने भएको छ । तीन दलबीच सहमति नहुने हो भने हामी समर्थन फिर्ता लिएर आगाडि बढ्न चाहन्छौं ।’ माआवादी नेता नारायकाजी श्रेष्ठका अनुसार कांग्रेस र जसपाले ओली सरकारलाई बोक्न तयार भएमा आकसिस्मक लाग्ने गरी माओवादीले नयां निर्णय गरेर अघि बढ्न सक्छ । त्यो आकस्मिक के हो भन्ने बोरमा भने खुलाइएको छैन । केवल औपचारिक खपतका लागि हुने भएको छ ।

नेपाली कांग्रेस पार्टी केन्द्रीय कार्यसमितिले नयाँ सरकार गठनका लागि पहल गर्ने निर्णय गरेको एक सातापछि देउवाले शुक्रबार ३ बजे कांग्रेस, नेकपा माओवादी केन्द्र र जनता समाजवादी पार्टी (जसपा) को बैठक बोलाएका हुन् ।देउवालाई पार्टी भित्रैबाट ओलीलाई विस्थापन गर्नेगरी बैकल्पिक सरकार गठन गर्न पहल नगरेको भन्दै तीव्र आलोचना भइरहेको थियो ।

नेताहरुका अनुसार देउवाले भोलि आफ्नो नेतृत्वमा नयाँ सरकार गठनबारे दुवै दलको आधिकारिक धारणा माग्नेछन् ।

माओवादी केन्द्र कांग्रेसको नेतृत्वमा सरकार गठन गर्न सहमत देखिएको छ भने जसपा विभाजित छ । संघीय परिषदका अध्यक्ष डा। बाबुराम भट्टराई र अध्यक्ष उपेन्द्र यादव पक्ष प्रधानमन्त्री केपी शर्मा ओलीको विकल्प खोज्नुपर्नेमा छन् भने अध्यक्ष महन्थ ठाकुर र वरिष्ठ नेता राजेन्द्र महतो पक्ष प्रधानमन्त्री ओलीसँग नै लहसिने लाइनमा छन् ।
उनीहरुले रेशम चौधरीलगायतका बन्दीहरुको रिहाइ, मुद्दा फिर्ता र संविधान संशोधनलाई मुद्दा बनाएका छन् ।

कांग्रेस नेताहरुले रेशमको रिहा बाहेकका मुद्दा सम्बोधन गर्न तयार रहेको बताएका छन् । सहमहामन्त्री डा. प्रकाशशरण महतले पनि तीन दल ओलीको विकल्प खोज्न तयार भए न्यायोचित विषय अगाडि बढाउन सकारात्मक रहेको बताए ।

माओवादी केन्द्रका नेता नारायण काजी श्रेष्ठका अनुसार आज हुने छलफलले नयाँ सरकार बन्ने नबन्ने टुंगो लाग्नेछ । ‘जसपाले एकाध दिन समय माग्यो भने बेग्लै हो, नभए सरकार बनाउने वा नबनाउने टुंगो लगाउन चाहन्छौं’ उनले भने, ‘तीन दलबीच सहमति नहुने हो भने हामी समर्थन फिर्ता लिएर आगाडि बढ्न चाहन्छौं ।’ श्रेष्ठका अनुसार कांग्रेस र जसपाले ओली सरकारलाई बोक्न तयार भएमा आकसिस्मक लाग्ने गरी माओवादीले नयां निर्णय गरेर अघि बढ्न सक्छ । त्यो आकस्मिक के हो भन्ने बोरमा भने खुलाइएको छैन ।