बनेपा, २५ मंसिर । काभ्रेपलाञ्चोकको क्षेत्र नं १ प्रदेश ‘ख’ मा वाम गठबन्धनका तर्फबाट नेकपा (एमाले) का चन्द्र लामा विजयी हुनुभएको छ ।
उहाँले लोकतान्त्रिक गठबन्धनको नेपाली काँग्रेसका गणेश लामालाई चार हजार १७७ मतान्तरले पराजित गर्नुभएको हो । एमालेका लामाले २४ हजार ४७७ मत प्राप्त गर्नुभयो भने काँग्रेसका लामाले २० हजार २७० मत प्राप्त गर्नुभएको छ ।
क्षेत्र नं २ प्रदेश ‘क’ मा वाम गठबन्धनका तर्फबाट एमालेका लक्ष्मण लम्साल विजयी हुनुभएको छ । उहाँले लोकतान्त्रिक गठबन्धनका सुन्दरमणि आचार्यलाई ११ हजार ३२ मतान्तरले पराजित गर्नुभयो । लम्सालले २७ हजार ६२१ मत प्राप्त गर्नुभयो भने काँग्रेसका आचार्यले १६ हजार ५८९ मत प्राप्त गर्नुभयो ।
यसअघि क्षेत्र नं १ प्रदेश ‘क’ मा माओवादी केन्द्रका रत्नप्रसाद ढकाल २५ हजार १०६ मत प्राप्त गरी विजयी हुनुभएको थियो ।
काभ्रे– १ मा वाम गठबन्धन
काभ्रेपलाञ्चोकको क्षेत्र नं १ तथा प्रदेशसभामा वाम गठबन्धन विजयी भएको छ ।
क्षेत्र नं १ मा वाम गठबन्धनकातर्फबाट नेकपा (माओवादी केन्द्र)का गंगाबहादुर तामाङ (दोङ) विजयी हुनुभएको छ । उहाँले लोकतान्त्रिक गठबन्धनका तीर्थ लामालाई चार हजार २६ मतले पराजित गर्नुभयो । तामाङले ४३ हजार ६३१ मत तथा काँग्रेसका लामाले ३९ हजार ६०५ मत प्राप्त गर्नुभयो ।
क्षेत्र नं १ प्रदेश ‘क’ मा वाम गठबन्धनका तर्फबाट माओवादी केन्द्रका रत्नप्रसाद ढकालले २५ हजार १०६ मत ल्याएर विजयी हुनुभयो भने उहाँका निकटतम प्रतिद्वन्द्वी काँग्रेसका गंगाबहादुर तामाङले १७ हजार ८५५ मत प्राप्त गर्नुभयो ।
क्षेत्र नं १ प्रदेश ‘ख’ मा वाम गठबन्धनतर्फबाट नेकपा (एमाले) का चन्द्र लामा विजयी हुनुभयो । लामाले २४ हजार ४७७ मत प्राप्त गर्नुभयो । उहाँका निकटतम प्रतिद्वन्द्वी काँग्रेसका गणेश लामाले २० हजार २७० मत प्राप्त गर्नुभयो । क्षेत्र नं १ मा कूल एक लाख ३३ हजार ५१४ मतदाता रहेका थिए ।
प्रतिक्रिया दिनुहोस्