लमजुङ मंसिर २३ – एमाले संगठन विभाग प्रमुख एवं केन्द्रीय सचिव पृथ्वीसुब्बा गुरुङ लमजुङ प्रदेश (ख) बाट प्रदेश सदस्यमा निर्वाचित भएका छन् ।

कांग्रेस उम्मेदवार कृष्णप्रसाद कोइरालालाई ८ हजार ६६ मतअन्तरले हराउँदै वाम गठबन्धनका उम्मेदवार गुरुङ प्रदेश सदस्यमा निर्वाचित भएका हुन् । मुख्य निर्वाचन अधिकृत कोमलप्रसाद आचार्यले पृथ्वीसुब्बा गुरुङ प्रदेश (ख) बाट निर्वाचित भएको तर, औपचारिक घोषणा भने भइनसकेको बताए ।

प्रदेश नं. ४ को भावि मुख्यमन्त्रीको रुपमा समेत हेरिएका एमाले नेता पृथ्वीसुब्बा गुरुङले २३ हजार १ सय ८८ मत ल्याए । निकटम प्रतिवन्द्वी कांग्रेस उम्मेदवार कोइरालाले १५ हजार १ सय २२ मत पाए ।

उनी यसअघि संविधानसभा निर्वाचन २०६४ मा लमजुङ तत्कालीन लमजुङ क्षेत्र नं. २ (हाल प्रदेश ख) बाट निर्वाचित भएका थिए । गुरुङ पूर्वसंस्कृति, पर्यटन तथा नागरिक उड्डयनमन्त्री समेत हुन् ।