काठमाडौं १४ मंसिर । वाम गठबन्धनले प्रतिनिधिसभाको प्रत्यक्षतर्फ एक सय ३० सिट जित्ने एमाले महासचिव ईश्वर पोखरेलले दावी गरेका छन् ।
पोख्रेलले कम्तिमा पनि वाम गठबन्धनले पहिलो चरणको ३७ मध्ये ३२ सिट जित्ने दावी गरे । त्यसैगरी उनले दोस्रो चरणको १२८ मध्ये १०० भन्दा बढी सिट जित्ने जिकिर गरे ।
प्रेस चौतारी र प्रेस सेन्टर नेपालले काठमाडौंमा आयोजना गरेको अन्तरक्रिया कार्यक्रममा बोल्दै नेता पोख्रेलले सरकारले खुलेआम आचारसंहिता उल्लंघन गर्दा पनि निर्वाचन आयोगले झारा टारेको आरोप लगाए ।
उम्मेदवारहरुलाई लक्षित गरी बम पड्किरहेको बेला गुल्मीमा कांग्रेस कार्यकर्ताको घरमै विस्फोटक बस्तुहरु भेटिएको भन्दै उनले कतै सरकारकै योजनता त छैन यस्ता घटनामा भन्ने प्रश्न गरे । उनले भने ”विप्लवले बम विष्फोट गरेको भए जिम्मा लिनु पर्ने हो,’ तर त्यस्तो पनि सुनिएको छैन ।
प्रतिक्रिया दिनुहोस्