रौतहट, १३ मंसिर । पुर्व–पश्चिम महेन्द्र राजमार्गको चन्द्रपुर नगरपालिका चन्द्रनिगाहापुरबाट करिब २५ किलोमिटर सिधा दक्षिण लागेपछि जयनगर चोकमा पुगिन्छ । यहाँबाट पनि करिब १२ किलोमिटर पश्चिम हानिएपछि पुगिन्छ रौतहटका ग्रामीण क्षेत्र । त्यहाँ पुग्ने जो कोहीलाई लाग्न सक्छ, के यो पनि नेपालकै मधेशको गाउँ हो त ? तर, यथार्थत यही नै हो, यो रौतहटकै एक ग्रामिण क्षेत्र हो । मौलापुर नगरपालिकाले परिचित यो ठाउँमा विकासको मूल फुटेको छ । यहाँको विकासको रफ्तारले भन्छ, अब रौतहट अरु भन्दा कम छैन ।

रौतहटका यी गाउँमा पुग्न पहिला हरेक समय लालवकैया खोलाबाट यात्रा गर्नुपर्ने बाध्यता थियो । समथल खोला बहनको क्षेत्र खोजेर तर्न जाँदा घण्टौ लाग्दथ्यो । तर, अहिले यहाँ विकासप्रेमी मन्त्री एवम् माओवादी केन्द्रका नेता प्रभु साहको पहलमा पुल बनेपछि दैनिकै निकै सह बनेको स्थानीयहरु बताउँछन् । यस पुलले आसपासका रौतहट, बारा, पर्साको वीरगञ्जसम्मका स्थानीयबासिन्दालाई प्रत्यक्ष फाइदा पुगेको छ । देवाही–गोनाही नगरपालिका र मौलापुर नगरपालिकाका स्थानीयबासिन्दालाई यस पुलले प्रत्यक्ष फाइदा भएको छ । २०६७ सालमा पुल निर्माण भएस“गै यात्रा निकै सहज हुदै गएको हो ।

लालबकैयामा मात्र होइन रौतहट जिल्ला भित्र बहने खोला नदीहरुमा यतिबेला धेरै पुलहरु निर्माण भएका छन् भने आसपासका जिल्ला जोड्ने नदिहरुमा पनि पुल निर्माण भएसँगै यात्रा निकै सहज र छोटो भएको छ । विभिन्न स्थानमा निर्माण भएका पुल माओवादी नेता तथा मन्त्री साहले संसद्मा सहभागी भएसँगै निरन्तरको प्रयासले सफल भएको भन्दै आफुहरुको दैनिकी निकै सहजभएको बताउँछन् स्थानीयबासिन्दा धीरज पटेल ।

यस्तै पुल दर्जनौं ठाउँमा निर्माणाधीन छन् । विभिन्न नदी, खोला र खोल्साहरुमा गरी साना ठूला पुलनिर्माण गर्न ४० स्थानमा सर्वे भई निर्माणको प्रक्रियामा छन् । पुल पुलोसे नहुँदा यसवर्षको बाढीमा रौतहटबासी जनताले पनि निकै कष्ट व्यहोर्नुपर्यो तर, प्रभु साहको पहलमा बन्न लागेका यी पुलपुलेसाले रौतहटबासीका साथै छिमेकी जिल्लालाई धेरै ठूलो गुन लगाएको छ । यस क्षेत्रमा भकुवा खोला आवात जावतलाई सहज बनाउन पुल तथा कलबट समेत निर्माण गरिएको छ । पुल निर्माण भएपछि ग्रामीण सडकहरुलाई समेत राजमागसँग जोड्न थालेका छन । लालबकैया खोलामा आधा दर्जन पक्कीपुल निर्माणाधीन छन भने हरेक घाटघाटमा निर्माण भएका पुलले दैनिकै सहज बनेको छ । बागमती नदिमा पुल निर्माणले सर्लाही र रौतहटको सम्बन्धलाई थप उचाईमा पु¥याएको छ । आगामी वर्षहरुमा यहाँका जनताले कम्तिमा पनि खोलाले बगाएर मृत्यु भएको समाचार सुन्न पर्नेछैन । सबै नगरलाई राजमार्गसँग जोड्ने र सबै नगर बस्तीहरुमा आधुनिक आवाससहित ढल निकासको कामले अभियानै सुरु भएको स्थानीयबास जगदिश बैठाको भनाइ छ ।

यतिमात्र होइन रौतहटका चोक–चोकमा आरामदायी र व्यवस्थित चौतारी निर्माण गरिएका छन् । परम्परागत चौतारी तथा चोकलाई आधुनिक तरिकारले व्यवस्थित गरिएसँगै स्थानीयको उपयोगिमा बृद्धि भएको छ । पुराना पार्टी पौवाहरुको जिर्णोद्वार प्रक्रिया समेत जारी छ । मौलापुर नगरपालिकाकी मेयर रिनाकुमारी साह ‘कविता’ पनि अहिले जुन गतिमा विकास निर्माण भएको त्यो गतिलाई झनै बढाउदै लैजाने तयारीमा लागेकी छन् । साहले व्यवस्थित ढल, सडक, खानेपानी, सिंचाई, सञ्चार स्वास्थ्य शिक्षा जस्ता क्षेत्रमा उल्लेखनीय काम गरी स्मार्ट सिटीको रुपमा विकसित गर्ने दाबी छ ।

स्वास्थ्यकर खानेपानीका लागि विभिन्न स्थानमा खानेपानीको ट्रयाङकी निर्माण गरी वितरण समेत गरिएको छ भने केही स्थानहरुमा निर्माण प्रक्रिया जारी छन् । स्वच्छ खानेपानीको वितरणसगै पानीबाट लाग्ने रोगमा निराकरण हुने विश्वासका साथ अभियान संचालन गरिएको छ । मौलापुर बजारमा जनयुद्धमा वीरगति प्राप्त गर्ने महान् सहिदहरुको सम्झनामा सहिद स्मारक स्तम्भ निर्माण गरिएको छ । मौलापुर बजारको चोकमा निर्माण गरिएको सहिद स्मारक स्तम्भ निर्माण गरिएस“गै यस क्षेत्रका नेता तथा कार्यकर्तालाई सहिदले देखाएको बाटोमा लाग्ने उत्प्रेरणा अझै थपभएको छ ।

मधेशमा समथर फाँटका बीचमा मानिसलाई घुमफिर र समय विताउने स्थान अभाव छ । तर, रौतहट सदरमुकाम गौर जाने पक्की सडकको दाहिनेतर्फ बङकुलमा सहिद स्मृति पार्क निर्माणको काम समेत सुरु भएको छ । यो पार्क बनेसँगै सध्याकालीन विचरण गर्न यहाँका वासिन्दालाई सहज हुने स्थानीयको भनाई छ । यस्तै, गोनाही–देवाही नगरपालिकामा निर्माणाधिन मधेशी सांस्कृतिक संग्राहालय निर्माण गर्न हुन लागेको छ । यो संग्रहालय सञ्चलनमा आएपछि मधेशमा जनयुद्धको ऐतिहासिक वस्तु तथा अन्य सामग्रीका साथै मधेशी कला साहित्यको संरक्षरण र संम्बद्धनमा सहयोग पुग्ने मेयर साहको भनाइ छ । जसको निर्माणका लागि जग्गाको रेखाङ्कन भै काम सुरु भएको छ । सुविधा सम्पन्न भौतिक संरचनाका साथ सञ्चालन भएको प्राथमिक स्वास्थ्य केन्द्रमा स्थानीय जनताले उपचार गर्न पाएका छन । पहिला–पहिला उपचारको नाममा सिटामोल समेत नपाएका स्थानीयहरुलाई अहिले स्वास्थ्य उपचार सेवा पाएका हुन ।

स्वास्थ्यकर खानेपानीका लागि विभिन्न स्थानमा खानेपानीको ट्रयाङकी निर्माण गरी वितरण समेत गरिएको छ भने केही स्थानहरुमा निर्माण प्रक्रिया जारी छन् । स्वच्छ खानेपानीको वितरणसँगै पानीबाट लाग्ने रोगमा निराकरण हुने विश्वासका साथ अभियान संचालन गरिएको छ ।