काठमाडौं, १७ बैशाख । चीनको वुहानबाट शुरु भएको कोरोनाको संक्रमण अहिले विश्वव्यापी महामारीको रुपमा फैलिएको छ । यसको तीव्र संक्रमण अमेरिकामा देखिएको छ ।

अमेरिकामा पछिल्लो २४ घण्टामा २ हजार ४ सय ७० जनाले ज्यान गुमाएसँगै मृत्यु हुनेको संख्या ५९ हजार २ सय ६६ पुगेको छ । सोमवार १ हजार १ सय ४० जना बढीले ज्यान गुमाएका थिए, त्यस्तै मंगलवार १ हजार २ सय ३६ जनाले बढीले ज्यान गुमाएका थिए । आजको तुलनामा हिजो र अस्तीको मृत्यु निकै रहेको थियो ।

कोरोना संक्रमणदर पनि अमेरिकामा बढी रहेको छ । यो समाचार तयार गर्ने समय सम्म १० लाख ३५ हजार ७५८ जना संक्रमित भएका छन् भने १५ हजार २९८ जनाको अवस्था गम्भिर रहेको छ । संक्रमित मध्ये १ लाख ४२ हजार २३८ जना उपचारपछि निको भएका छन् ।

एकैदिन २४ हजार ८ सय ८४ जना बढीमा संक्रमण देखिएसँगै संक्रमित हुनेको संख्या १० लाख ३५ हजार २ सय ४० बढी पुगेको छ । संक्रमितमध्ये १५ हजार ६ सय ३५ जनाको अवस्था गम्भीर रहेको छ भने १ लाख ४१ हजार ९ सय ७ जना संक्रमित उपचारपछि निको भएका छन् ।