काठमाडौं, ६ वैशाख । बेलायतमा कोरोना भाइरसको संक्रमणबाट बितेको ८ घण्टामा ८८८ जनाको मृत्यु भएको छ । यो सँगै बेलायतमा कोरोनाबाट ज्यान गुमाउनेको संख्या १५ हजार ४६४ पुगेको छ । एकैदिन ५ हजार ५२५ नयाँ संक्रमित फेला परेका छन् । शनिबार साँझ सम्म १ लाख १४ हजार २ १७ जनामा संक्रमण देखिएको छ । उनीहरुमध्ये ९८ हजार ४०९ जनाको विभिन्न अस्पतालमा उपचार भइरहेको छ भने १ हजार ५५९ जनाको अवस्था चिन्ताजकन छ।

चीनको वुहानबाट शुरु भएको कोरोना भाइरसको महामारी अहिले युरोप तथा अमेरिकाका देशमा तीव्र फैलिएको छ । शनिबार साझ सम्म कोरोना भाइरसको संक्रमणबाट ज्यान गुमाउनेको संख्या १ लाख ५५ हजार १२६ पुगेको छ । कोरोना संक्रमितको संख्या २२ लाख ७५ हजार ७०० पुगेको छ ।
संक्रमितमध्ये ५ लाख ८२ हजार ५२० जना उपचारपछि घर फर्किएका छन् भने १५ लाख ३७हजार ४३० जनाको विभिन्न अस्पतालमा उपचार भइरहेको छ ।
सबैभन्दा बढी संक्रमण फैलिएको अमेरिकामा ३७ हजार १७६ जनाको मृत्यु भएको छ । यो समाचार तयार पार्दासम्म ७ लाख १० हजार २९३ जना संक्रमित भएका छन् ।