काठमाडौं, २४ चैत । भारतले कोरोना भाइर विरुद्धको लडाईंमा हुने खर्च जुटाउन सांसदहरुको १ वर्षको तलबममा ३० प्रतिशत कटौती गर्नेभएको छ ।

आज बसेको केन्द्रीय मन्त्रिपरिषद् बैठकले सबै सांसदहरुको १ वर्षको तलबमा ३० प्रतिशत कटौती गर्ने निर्णय गरेको हो । कोरोना भाइरसको संक्रमण विरुद्ध लड्न खबौं रुपैयांको आवश्यकता पर्ने भएपछि भारतले सांसदहरुको तलब कटौती गरेको हो । मन्त्रिपरिषद्ले सांसदहरुले दुई वर्षसम्म सांसदकल्याणकारी कोषको रकम समेत प्रयोग गर्न रोक लगाएको छ । १ वर्षसम्म सांसदहरुको रकममा ३० प्रतिशत कटौती गर्दा र सांसदहरुको कल्याणकारी कोषको रकम खर्च गर्न रोकिंदा मात्र ७९ अर्ब भारतीय रुपैयां बचत हुनेछ ।

यस्तै, ८९ अर्ब भारतीय रुपैयां बचत हुनेछ । राष्ट्रपति, उपराष्ट्रपति एवं गभर्नरको तलबमा पनि यसैगरी कटौती हुनेभएको छ । यस्तै, विजेपीको नेतृत्वमा रहेको राज्यका विधानसभा सांसदहरुको रकममा समेत यसैगरी ३० प्रतिशत कटौती हुने निर्णय भएको छ ।