काठमाडौं, २२ चैत  ।  तनहु क्षेत्र नम्बर १ का प्रतिनिधि सभाका सांसद कृष्णकुमार श्रेष्ठ किसानले व्यक्तिगत खर्चमा आफ्नो निर्वाचन क्षेत्रका स्थानीय तह, सुरक्षा निकायका कार्यालय र पत्रकार महासंघलाई मेडिसिन मास्क, पिपिइ र सेनेटाईजर उपलब्ध गराउनु भएको छ । सांसद श्रेष्ठले विहिबार निर्वाचन क्षेत्रमा गई ति स्वास्थ्य सुरक्षा सामाग्रीहरु प्रदान गर्नु भएको थियो ।

सांसद श्रेष्ठले देवघाट, आवुँखैरेनी र बन्दिपुर गाउँपालिकालाई १५/१५ सय थान मेडिकल मास्क र ५/५ थान पिपिइ, भानु र व्यास नगरपालिकालाई २/२ हजार थान मास्क तथा भानु नपालाई १० थान पिपिइ र व्यास नपालाई ३ थान पिपिइ प्रदान गर्नु भयो ।

त्यसैगरि उहाँले इलाका प्रहरी कार्यालय आबुखैरेनीलाई दुई सय ५० थान मास्क, इलाका प्रहरी कार्यालय भानु मुकाम डुम्रेलाई दुई सय ५० थान मास्क, १ थान पिपिइ र २ लिटर सेनीटाइजर, मनकामना सशस्त्र प्रहरी गण भानुलाई पाँच थान मास्क र ४ लिटर सेनिटाइजर, दमौली अस्पताललाई एक हजार थान मास्क र १० थान पिपिइ, जिल्ला प्रहरी कार्यालयलाई सात सय ५० थान मास्क र २ लिटर सेनीटाइजर जिल्ला ट्राफिक प्रहरी कार्यालयलाई दुई ५० थान मास्क उपलब्ध गराउनु भएको थियो ।

त्यसैगरि सांसद श्रेष्ठले जिल्ला प्रशासन कार्यालयलाई दुई सय ५० थान मास्क, जिल्ला कारागारलाई दुई सय ५० थान मास्क र १ लिटर सेनीटाइजर तथा नेपाल पत्रकार महासंघ तनहुँ शाखालाई दुई सय ५० थान मास्क र दमौलीमा कार्यरत १५ जना पत्रकारकोलागि एन ९५ मास्क उपलब्ध गराउनु भएको थियो । ती सबै सामाग्री आफ्नै व्यक्तिगत खर्चमा खरिद गरेर ल्याएर उपलब्ध गराएको उहाँले बताउनु भयो ।

विपत्तीको बेलामा पनि आफ्नो निर्वाचन क्षेत्रका जनताको स्वास्थ्य चिन्ताले आफुलाई मर्माहत बनाएको भन्दै उहाँले लकडाउनको बाबजुद स्वास्थ्य सुरक्षा सामाग्री खरिद गरेर ल्याई वितरण गर्न आएको बताउनु भयो ।