काठमाडौं १६ माघ। सत्तारुढ नेपाल कम्युनिस्ट पार्टी ९नेकपा०को महाधिवेशन २०७७ चैत अन्तिममा गर्ने प्रस्ताव केन्द्रीय कमिटी बैठकमा पेश भएको छ ।
बुधबार शुरु भएको केन्द्रीय कमिटी बैठकमा अध्यक्षद्वय केपी शर्मा ओली र प्रचण्डले प्रस्तुत गरेको राजनीतिक प्रतिवेदनमा महाधिवेशनको मिति प्रस्ताव गरिएको छ ।
नेकपाको महाधिवेशन २०७७ चैत २५ देखि ३० गतेसम्म गर्ने प्रस्ताव पेश भएको छ त्यसअघि आगामी भदौदेखि मंसिरसम्ममा सबै स्थानीय तह र प्रदेशका अधिवेशन सम्पन्न गर्ने प्रस्ताव समेत पेश भएको छ ।नेकपाको आगामी महाधिवेशन एकताको महाधिवेशन हुनेछ ।
केन्द्रीय समिति बैठकमा पार्टीका कार्यकारी अध्यक्ष पुष्पकमल दाहाल ‘प्रचण्ड’ले राजनीतिक प्रतिवेदन पेश गरेका हुन् ।
प््रतिवेदनमा ०७७ भदौदेखि मङ्सिरसम्ममा ७ सय ५३ वटै स्थानीय तह र ७ प्रदेश तहका अधिवेशनहरु सम्पन्न गर्न प्रस्ताव गरिएको छ ।
प्रचण्डले राजनीतिक प्रतिवेदनमा साउनको दोस्रो हप्ताभित्र सबै जिल्ला कमिटिले जिल्लाको प्रगतीको समीक्षा गर्न प्रस्ताव गरेका छन् ।
यस्तै साउनको तेस्रो हप्तामा प्रदेश कमिटिले आ–आफ्नो प्रदेशको प्रगतीको समीक्षा गर्ने र प्रतिवेदन तयार गरी केन्द्रीय समितिमा पठाउने प्रस्ताव प्रतिवेदनमा छ । आगामी साउनमा केन्द्रीय समितिको बैठक बसी पार्टीको समग्र अवस्थाको मूल्यांकन गर्ने र महाधिवेशनको तयारीमा जुट्ने प्रस्ताव गरिएको छ ।
प्रतिवेदन एमसीसीका बारेमा मौन छ भने इन्डो प्यासिफिक स्ट्राटेजी सैन्य गठवन्धन भएको र विआरआई सहयोग रणनीति भएको स्पष्ट गरिएको छ ।
प्रतिवेदनले देशभित्रका शक्तिहरु मध्ये नेपाली कांग्रेसको यथास्थितिवादी चरित्रको भण्डाफोर गर्दै शान्ति प्रक्रियाका बांकी काम पूरा गर्न सहकार्य गर्ने नीति लिएको छ ।
प्रधानमन्त्रीको उद्घाटन सम्वोधनमा जस्तै प्रतिवेदनमा पार्टी र सरकारका राम्रा कामको व्यवस्थित प्रचार हुन नसकेको भन्दै विशेष योजना बनाउने उल्लेख गरिएको छ ।
प्रतिवेदनमा हालै सम्पन्न निर्वाचनहरुले नराम्रो झड्का दिएको निश्कर्ष सहित मतदाताको परिवर्तित मानिसकतालाई पार्टीले सधैंभर हेक्का राख्नु पर्ने बताईएको छ ।

[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]

[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]