काठमाडौं, ४ पुस । सत्तारुढ नेपाल कम्युनिष्ट पार्टी (नेकपा) का अध्यक्षद्वय केपी शर्मा ओली र पुष्पकमल दाहाल प्रचण्डबीच आज छलफल भएको छ । । प्रधानमन्त्री निवास बालुवाटारमा अध्यक्षद्वयबीच सभामुख चयन, पार्टी स्थायी कमिटी बैठक, पार्टीका विभिन्न विभागको पूर्णतालगायतका विषयमा छलफल भएको बालुवाटार स्रोतले जनाएको छ ।
संघीय संसदको हिउँदे अधिवेशन आजदेखि सुरु हुने भएकाले सभामुख चयनका विषयमा अध्यक्षद्वयबीच छलफल भएको हो । संसद बैठक पहिले दिउँसो २ बजे नेकपाको संसदीय दलको बैठक बस्दैछ । दलको बैठकअघि दुई अध्यक्षबीच सभामुख कसलाई बनाउने भन्ने बिषयमा सहमति जुटेको छ । यद्यपी दुवै नेताले प्रस्ताव गर्नुअघि नाम गोप्य राख्ने निर्णय गरेको स्रोतले जनायो ।
प्रतिक्रिया दिनुहोस्