खेल क्षेत्र राष्ट्रको गौरवको क्षेत्र हो– सदस्य कुँवर



अछाम,२२ कात्तिक । राष्ट्रिय सभा सदस्य शेर बहादुर कुँवरले खेल क्षेत्र राष्ट्रको गौरवको क्षेत्र भएको बताउनु भएको छ । साँफेबगर सामुदायिक सिकाई केन्द्रले साँफेबगरमा आयोजना गरेको अछामको सबै भन्दा ठुलो धन राशीको राष्ट्रिय पुरुष भलिवल प्रतियोगिता उद्घाटन कार्यक्रममा बोल्दै कुँवरले यस्तो बताउनु भएको हो ।

उहाँले खेल क्षेत्रलाई म¥यादित बनाउँदै लैजानु पर्ने बताउनु भएको छ । प्रमुख अतिथी कुँवरले खेलकुदसंगै पुराना संस्कृतीहरुलाई पनि जोगाउनु पर्ने बताउनु भयो । कार्यक्रममा बोल्दै राष्ट्रियसभा सदस्य कुँवरले खेलकुद प्रतियोगिताको आयोजनाले नेपाल सरकारले लिएको ‘पर्यटन बर्ष २०२०’ लाई पनि टेवा पुग्ने बताउनु भएको छ । उहाँले जल, जमिन र जंगलका धनी भएका कारण ती स्रोतहरुको उपयोगमा लाग्नुपर्ने बताउनु भयो । कार्यक्रममा बोल्दै पूर्व जिविस सभापति भरत कुमार स्वारले खेल क्षेत्रको विकासमा सबैले लाग्नु पर्ने बताउनु भएको छ ।उहाँले भलिबल खेलको संरक्षण गर्नुपर्ने धारणा व्यक्त गर्नु भयो । राष्ट्रिय पुरुष भलिवल प्रतियोगिता उद्घाटन कार्यक्रममा बोल्दै साँफेबगर नगरपालिकाका प्रमुख कुल बहादुर कुँवरले स्मार्ट साँफेबगर र स्मार्ट खेलाडीको परिकल्पना गरेको बताउनु भएको छ ।

उहाँले खेलकुद ऐनको अभावमा खेलकुद सञ्चालन गरिरहेको र आमामी दिनमा राजनीतिक बहस र खेलाडीहरुसंग सहकार्य गरेर खेलकुद सम्बन्धि कार्यविधि बनाएर नगर खेलकुद समिति बनाईने बताउनु भएको छ । साँफेबगरमा अछामको सबै भन्दा ठुलो धन राशीको राष्ट्रिय पुरुष भलिवल प्रतियोगिताको उद्घाटन गरीएको छ । साँफेबगर नगरपालिका वडा नं। ४ मष्टामाण्डौको स्थित साँफेबगर सामुदायिक सिकाई केन्द्रको आयोजनामा भएको भलिबल प्रतियोगिताको उद्घाटन गरीएको हो । साँफेबगर सामुदायिक सिकाई केन्द्रका अध्यक्ष शिव बहादुर कुँवर शिलोजको अध्यक्षतामा भएको कार्यक्रमका प्रमुख अतिथी राष्ट्रिय सभा सदस्य शेर बहादुर कुँवर रहनु भएको थियो ।

    Comment Here!


सम्बन्धित समाचार

View All