‘काठमाडौं, २१ भदौ । काठमाडौ उपत्यका ऐतिहासिक सांस्कृति र पुरातात्विक सम्पदाले भरिपूर्ण छ । तर जिम्मेवारहरुको बेवास्ताका कारण कमलपोखरी जस्ता ऐतिहासिक पोखरी डम्पिङ साइट जस्तै बन्दै गएको छन । सरकारको बेवास्तासंगै स्थानीयको चासो नहुदा फोहोर फाल्ने स्थान बनेको कमलपोखरीको जिर्णाेद्वार गरि पुरानै अवस्थामा फर्काउने प्रयास शुरु भएकोे छ ।
काठमाडौ महानगरपालिकाले कमलपोखरी जिर्णाेद्वार गर्न शुरु गरेको छ । कमलपोखरीलाई पुरानै अवस्थामा फर्काउन जिर्णाेद्वार गर्न लागिएको हो । काठमाडौ महानगरपालिका र कंडेल निर्माण सेवा कम्पनीबीच १ वर्ष भित्र सम्पन्न गर्ने गरि संझौता भएको छ । ६ करोड ५९ लाख ६ हजार ४४ कुल लागतमा जिर्णाेद्वार हुन लागेको हो । आर्थिक वर्ष २०७६⁄०७७ मा हरियाली पार्क निर्माण गर्न र त्यो योजना मध्ये सबै भन्दा ठूलो योजना कमलपोखरी भएको महानगरपालिकाले बताएको छ । महानगर भित्रको ऐतिहासिक पोखरी कमल पोखरी भएकाले यसको जिर्णाेद्वार गर्न लागिएको काठमार्डौ महानगरपालिका प्रवक्ता इश्वर डंगोलले बताए ।
कमलपोखरी जिर्णाेद्वार मौलिकतामा हुने भएको छ । वास्तुशास्त्रमा आधारित भएर जिर्णोद्वार हुन लागेको हो । गेटलाई नेपाली कला र सीपको प्रयोग गरि स्वरुप दिइने छ । त्यसै नेपाली इट्टा ढुंगा प्रयोग गरेर निर्माण गरिने भएको हो । विगतमा लामो समय डम्पिङ साइट जस्तो बनेको कमलपोखरी अब पुर्नजिवन पाउने आशा गरिएको छ । कमल पोखरीको पुनर्निर्माण गर्दा पुरानो डिजाइनका नयां स्वरुपमा निर्माण गर्न लागेको छ । कमलपोखरीको क्षेत्रफल ३५ रोपनी ७ आना रहेको छ । चारैतिर कमलको फूल भएको साना साना पोखरी बन्नेछन् । पोखरी आसपासमा नेपालीपना झल्काउन छाना बनाउने, विभिन्न ठाउ“मा चैत्य राख्ने, पा“चओटा मकरधार निर्माण गर्ने तयारी भएको इन्जिनियर प्रेम श्रेष्ठले बताए ।
वर्षात नसकिएकोले निर्माण गर्न अप्ठ्यारो भएकोले पानी निकासमा समस्या भएको कम्पनीले बताएको छ । पानीको सतह र निकासका बारेमा अझै समस्या भएकोले काम गर्न गाह्रो भएको छ । तर कम्पनीले सम्झौता अनुसार १ वर्ष भित्रमै सक्ने निर्माण सम्पन्न गरिसक्ने कम्पनी प्रतिनिधि अर्जुन कंडले बताए ।गुमनाम जस्तै बनेको कमलपोखरीलाई पुरानै अवस्थामा फर्काउन गरिएको सरकारी प्रयास निकै राम्रो छ । ऐतिहासिक तथा पुरातात्विक महत्वका यस्ता संपदाको जिर्णाेद्वारबाट संरक्षण गर्नु जति नै सह्रानिय छ । उति नै यसको संरक्षण संरक्षणका लागि पनि अहिले देखि सोचिनु आवस्यक छ ।
प्रतिक्रिया दिनुहोस्