सप्तरी, ८ साउन । बुधबार बिहानैदेखी परेको अविरल वर्षाका कारण सप्तकोशी नदी र खाडो खोलामा आएको बाढीमा परि दुई जना वेपत्ता भएका छन् ।

सप्तरीको रुपनी गाउँपालिका १ स्थित खाडो खोलामा बिहान दाउरा संकलन गर्न गएका एक व्यक्ति खोला मै वेपत्ता भएका छन् । दाउरा संकलन गर्दै गर्दा अचानक खाडो खोलामा आएको बाढीले स्थानिय नसिर मियाँलाई बगाएर वेपत्ता बनाएको जिल्ला प्रहरी कार्यालय सप्तरीले जनाएको छ ।

यस्तै जिल्लाकै तिलाठी कोइलाडी गाउँपालिका ४ स्थित कोशी नदी छेउ पलारमा भैसी चराउन गएका स्थानिय बालेश्वर मुखियालाई नदीले बगाएको स्थानियहरुले बताएका छन् ।  एक व्यक्ति भैसी चराउन कोशी नदी छेउ पलारतर्फ गएको सूचना आएको तर, उनी घर नफर्किएको जानकारी आए लगत्तै सो घटनाबारे यथार्त बुझ्न प्रहरी परिचालन गरिएको जिल्ला प्रहरी कार्यालय सप्तरीका प्रहरी नायब उपरिक्षक भावेश रिमालले जानकारी दिएका छन् ।