काठमाडौं, ५ असार । तत्कालिन नेकपा एमाले र माओवादी केन्द्रबीच पार्टी एकता भएको एक वर्ष पूरा भएको छ । मदन–आश्रित स्मृति दिवसको अवसर पारेर दुई ठूला कम्युनिस्ट पार्टीले एकता गरेको एक वर्ष पुगेपनि एकताको सम्पूर्ण काम भने सकेका छैनन् ।

यसै सेरोफेरोमा नेकपा एकताको एक वर्ष, यसका उपलव्धि, कमजोरी र आगामी दिनमा गर्नुपर्ने काम बारेमा र सरकारको डेढ वर्ष पुरा भएको छ यस विषयमा नेकपाका स्थायी समिति सदस्य एवं प्रभावशाली युवा नेता योगेश भट्टराईसँग एवीसी न्यूजका लागि अध्यक्ष तथा प्रधानसम्पादक शुभशंकर कंडेलसंगको विषेश कार्यक्रम आउटलुकमा नेता भट्टराईले एकवषमा एउटै पार्टी भएर सरकार चलाइरहेको र अस्थिरतालाई अन्त्य गर्नुका साथै सकारात्मक सन्देश दिएको बताउनुभयो ।

उहाँले तत्कालीन माओवादी केन्द्रले सशक्त विद्रोहमार्फत समाजमा देखिएका सबैखाले विभेदहरुलाई हटाउँदै समाजवादमा जाने लक्ष्य बोेकेको हुँदा उ आफैँमा लोकप्रिय भएको समेत बताउनुभयो । शान्तिपूर्ण धारको कम्युनिस्ट पार्टी पनि लोकप्रिय थियो र सशक्त धारको कम्युनिस्ट पार्टी पनि नेपालमा उत्तिकै लोकप्रिय थियो । यसैले नै यि पार्टीबीच एकता सम्भव भएको समेत उहाले बताउनुभयो ।

दुनियामा कम्युनिस्ट आन्दोलन कुनै पनि एउटा देशमा कि त सशक्त धारको कम्युनिस्ट आन्दोलन लोकप्रिय भएको हुन्छ कि त शान्तिपूर्ण धारको तर हाम्रो देश दुईवटै धार बोकेको कम्युनिस्ट पार्टीहरु एकसाथ लोकप्रिय भएका कारण एकता सम्भव भएको उहाँले बताउनुभयो ।यसैको सिद्धान्तको जगमा संविधान निर्माण भएको छ र अवको बाटो शान्तिपूर्ण, लोकतान्त्रिक र प्रतिस्पर्धाको समेत भएको बताउनुभयो ।

भिडियो