काठमाडौं,२३ बैशाख । नेपाली कांग्रेसका सांसद गगन थापाले सरकारलाई मूल नारा परिर्वतन गर्न सुझाव दिनुभएको छ ।

प्रतिनिधिसभाको आजको बैठकमा सरकारको नीति तथा कार्यक्रममाथिको छलफलमा सांसद थापाले सम्मृद्ध नेपाल सुखी नेपालीको नारा परिर्वतन गरेर ‘सम्बृद्ध दमक सुखी केपी ओली’ भन्ने नारा राख्न सुझाव दिनुभएको हो ।

प्रधानमन्त्रीको लेटरप्याड प्रयोग गरी आफ्नो निर्वाचन क्षेत्रको लागि सिफारिस गरिएका योजनाहरुको सन्र्दभमा उहा“ले यस्तो अभिव्यक्ति दिनुभएको हो । झापा क्षेत्र नम्बर ५ मा रहेको दमक ओलीको निर्वाचन क्षेत्र हो । उहाँले सरकारको नीति तथा कार्यक्रम अलमलिएको निबन्धजस्तो भएको टिप्पणी पनि गर्नुभयो ।

कार्यपालिका, व्यवस्थापिका, न्यायपालिका, अख्तियार, मानव अधिकार आयोग लगायत संबैधानिक निकायलाई पेल्ने काम गरेको सरकारले एक बर्षमा कुनै पनि उपलब्धि गर्न नसकेको आरोप लगाउनुभयो ।

थापाले सरकार आफ्नो प्रशंसामा मात्रै अल्झिएको टिप्पणी गर्नुभयो । सरकारले राष्ट्रपतिलाई उक्साएर विवादमा ल्याउने काम गरेको भन्दै थापाले नीति तथा कार्यक्रम सम्बोधनका क्रममा प्रयोग गरिएको मेरो सरकारप्रति पनि गम्भीर आपत्ति जनाउनुभयो ।