काटमाडौं, २२ भदौ । नेपाल मिडिया सोसाइटीले भ्रष्टचारप्रति शुन्य सहनशीलता अभियान सुरु गरेको छ । विशेषगरी पछिल्लो समय देशमा भइरहेको भ्रष्टाचार, राजनीतिक विकृति र विशङगति अन्त्यका लागि शूल्य सहनसीलताका लागि अपिलसमेत गरेको छ ।

नेपालको महत्वपूर्ण राजनीतिक घटनाक्रमहरुमा नेपाली संचार माध्यमले अग्रणी भूमिका निर्वाह गर्दै आएका छन् । तत्कालीन राजा ज्ञानेन्द्रको निरंकुशताविरुद्ध होस कि ०६२/०६३को जनआन्दोलनको पक्षमा होस्। नेपाली संचार माध्यम परिवर्तनको पक्षमा सबैं अग्रपंक्तिमा रहने गरेका छन् । त्यसो त सामान्य नागरिकदेखि ठुला राजनीतिक दलहरु र जनसरोकारका विषयमा वकालत गर्नु आम सञ्चार माध्यमको दायित्व नै हो । यो जिम्मेवारी बहन गर्न सम्भवत नेपालका संचार माध्यम गम्भीर भएर लागेका छन् ।

पछिल्लो समय देशमा भइरहेको विविध राजनीतिक घटना र अबको देश किासका लागि उचित बाटो निर्धारणमा पनि सञ्चार माध्यमको भूमिका महत्वपूर्ण हुने निश्चित त । त्यही जिम्मेवारीबोधका साथ नेपाल मिडिया सोसाइटीले भ्रष्टाचारप्रति शूल्यसहनसशीताको अपिलसहित अभियान सुरु गरेको हो । देशमा भइरहेको राजनीनिक गतिविधिदेखि चरम भ्रष्टाचारसहित विभिन्न विषयहरुको उठान र खबरदारी गर्न यो अभियान सुरु गरिएको मिडिया सोसाइटीका महासचिव तथा एबीसी मिडिया ग्रुपका अध्यक्ष शुभशंकर कँडेलले बताए । नेपाल मिडिया सोसाइटीका पूर्व अध्यक्ष तथा कान्तिपुर मिडिया गु्रपका अध्यक्ष कैलाश सिरोहियाले अहिलेलाई यो अभियानका रुपमा लगिने र पछि परिस्थिति अनुसार जाने बताए ।

मिडिया सोसाइटीका सदस्य तथा रिपब्लिका मिडिया प्रालिका अध्यक्ष विनोदराज ज्ञवालीले यो अभियानका लागि आफुहरु दृढताका साथ लाग्ने बताए । ज्ञवालीले यसलाई ठोस निकर्षमा पूर्‍याएर मात्रै छाड्न बताए । निजी सञ्चार संस्थानसंगै नागरिक समाजबाट समेत आवाजहरु उठ्न थालेपछि यो अभियान सुरु गरिएको ज्ञवालीको भनाइ छ ।

विशेषगरी नोपलका निजी संचार गृहहरुलाई राजनीतिक दलहरुको खेतालो मान्ने गरेको तितो यथार्थ हो । आवश्यक पर्दा प्रयोग गर्ने र अरुबेला पूर्ण रुपमा उपेक्षा गर्ने राजनीतिक नेतृत्वको चरित्र नै बनेको छ । त्यसैले देशलाई आर्थिक समृद्धिको बाटोमा अघि बढाउन र भ्रष्टाचाररहित समाज निर्माणमा संचार गृहहरुले संयुक्त रुपमा भ्रष्टाचारप्रति शून्यसहनशीलता अभियान सुरु गरेका हुन् । देशलाई समृद्ध बनाउने र भ्रष्टाचार निर्मूल पार्ने यो अभियानमा आम नागरिकको साथ र सहयोग भने आवश्यक छ ।

नागरिक र संचार माध्यमहरुको संयुक्त प्रयासमा देशलाई विकृति, विसंगति र भ्रष्टाचारमुक्त बनाउने यो अभियान सफल हुने विश्वास गरिएको छ। नेपाल मिडिया सोसाइटीले देशका चर्चित भ्रष्टाचारजन्य घटनाका रुपमा केहि उदाहरणहरु समेत उठाएको छ । अर्बौको एलसेल कर मिनाह प्रकरण र कर पछर्यौटका नाममा कर छलीका लागि भएको घिनलाग्दो खेलमा राजनीतिक नेताहरु, उच्चपदस्थ कर्माचारीहरु र मन्त्रिपरिषदका सदस्यहरुको संलग्नता भएको घटना, भ्रष्टचार नियान्त्रणका लागि बनाएको संस्थामा संस्थाकै बद्नाम ह्ने गरी राजनीतिक स्वार्थ प्ररित ढंगबाट गरिएका नियुतिm र बहिर्गमनको खेल, न्यायिक सर्वोच्चता र सुशासनका पक्षमा उभिनबाट हतोत्साहित गर्ने गरी प्रधनान्याधिशमाथिको महाअभियोग प्रकरण र नेपाल आयल निगमका लागि जग्गा खरिद प्रकरण आदिले देशलाई गम्भिर दुर्घटना उन्मुख बनाएको छ ।

सबैभन्दा डरलाग्दो पक्ष यस्ता अधिकांश घटना र स्क्यान्डलमा प्रमुख रानीतिक दलहरुको संलग्नता र मौनता देखिएको छ । त्यसैले पनि नेपाल मिडिया सोसाइटीको यो अभियान अपरिहार्य देखिएको हो ।