धनुषा, ७ असोज । कमला नगरपालिकामा एक व्यक्तिको घाँटी रेटेर हत्या प्रयास गरिएको छ । वडा नम्बर ३ माची मंगराहा वस्ने ३० वर्षीय शिवकुमार सादाको घाँटी रेटेर हत्या प्रयास गरिएको हो ।
बोल्न सक्ने अवस्थामा समेत नभएका शिवकुमारलाई उपचारको लागि बिहान जनकपुर अञ्चल अस्पताल ल्याइएको थियो । तर यहाँ उपचार सम्भव नभएपछि थप उपचारको लागि विमानबाट काठमाडौं लगिएको छ
सादालाई उपचारको लागी काठमाडौं शिक्षण अस्पताल भर्ना गरिएकोे प्रहरीले जनाएको छ ।
सादाको घाँटी अढाई इन्च काटिएको र अवस्था गम्भीर रहेको चिकित्सकले बताए । घटनाबारे अनुसन्धान भइरहेको प्रहरीले जनाएको छ ।
प्रतिक्रिया दिनुहोस्