काठमाडौं,११ साउन । शिक्षामन्त्री गिरिराजमणि पोखरेलले डाक्टर गोविन्द केसीसंग सहमति भईसकेको अवास्थामा पुराना कुरामा नअल्झीन आग्रह गर्नुभएको छ ।
डाक्टर केसीको अनसन र सहमतिको सम्वन्धमा सरकारको तर्फबाट शुक्रबार प्रतिनिधीसभा बैठकमा जानकारी गराउदै उहाले पुराना घटनाको विवादमा अव नजान सांसदहरुलाई आग्रह गर्नुभएको हो ।
प्रतिष्ठानमा सरकारी पक्ष जान खोज्दा नदिदाँ समस्या भएको भन्दै उहाले त्यहाँ गोलि चलेको नचलेको प्रहरीमाथि सिसा प्रहार गरिएको बताउनुभयो । हिजो भएको सहमति मन्त्रीपरिषदमा पेश हुने भन्दै उहाले बिधेयक यही संसदवाट पेश भई पारित हुने भएकाले सहयोगको आग्रह गर्नुभयो ।
शिक्षामन्त्रीले डाक्टर केसीको स्वास्थ्यमा समस्या आएपछि डाक्टर केसीलाई काठमाडौं ल्याइएको बताउनुभयो । त्यस्तै उहाले बंगलादेशमा एमबीबीएस अध्ययनरत छात्राको सम्बन्धमा बि एण्ड सी मेडिकल कलेजका सञ्चालक दुर्गा प्रसाइले दिएको अभिव्यक्ति सम्बन्धमा मन्त्रिपरिषद्मा छलफल गरेर मात्र जवाफ दिने बताउनुभयो ।
त्यसअघि बैठकमा कांग्रेस सांसद पुष्पा भुसाल, डाक्टर डिला संग्रौला, लक्ष्मी परियार लगायतले प्रसाइले महिलाको चरित्रमाथि धावा बोलेको भन्दै प्रसाईमाथि कारवाहीको माग गर्दे सरकारको धारणा माग गरेका थिए ।
प्रसाइले केही दिन पहिला बंगलादेशमा अध्यनरत छात्रामाथि आपत्तिजनक अभिव्यक्ति दिएको भन्दै चौतर्फी विरोध भइरहेको छ ।
प्रतिक्रिया दिनुहोस्