क्यानडाको एक पत्रिका टरोन्टो स्टारले ट्रम्पले राष्ट्रपतिको पद सम्हालेदेखि सन् २०१८ जुलाई १ तारिखसम्म बोलेका हरेक शब्द केलाएको छ । अहिलेसम्म ट्रम्पले आफ्नो कार्यकालमा एक हजार ९ सय २५ पटक झुटो बोलेको पत्रिकाले दाबी गरेको छ ।

१८ महिनामा डोनल्ड ट्रम्पले कूल १३ लाख ४० हजार तीन सय ३० शब्द बोलेका छन् र यसमा ५.१ प्रतिशत झुटो थियो । यदि सन् २०१७ को औषत हेर्ने हो भने ट्रम्पले लगभग दैनिक २.१ प्रतिशत झुटो बोलेका छन् । यद्यपी, यो वर्ष यो औषत बढेर ५.१ भएको छ अर्थात् ट्रम्पले जे पनि बोल्छन् त्यसको हरेक १४ शब्दमध्ये एउटा झुटो हुन्छ ।

सबैभन्दा धेरै झुट कतिबेला बोल्छन् ट्रम्प ?

पत्रिकाका अनुसार ट्रम्पले सबैभन्दा धेरै ६ सय ४८ पटक झुट आफ्नो भाषणमा बोलेका छन् । त्यसपछि अन्तर्वार्तामा तीन सय ८० पटक, अनौपचारिक बयानमा तीन सय ६९ पटक, ट्वीटरमा तीन सय ३० पटक र पत्रकार सम्मेलनमा एक सय ९२ पटक झुटो बोलेका छन् ।