काठमाडौं, २२ असार । पाकिस्तानको भ्रष्टाचार विरोधी अदालतले पूर्वप्रधानमन्त्री नवाज शरीफ र उनकी छोरी मरियम नवाजलाई दोषी ठहर गरेको छ ।

अदालतले नवाज शरीफलाई १० वर्ष र मरियमलाई सात वर्षको जेल सजाय सुनाएको छ ।

नवाजलाई ८० मिलियन र मरियमलाई २० लाख पाउण्ड जरिवाना पनि तोकेको छ । यो रकम राज्यकोषमा दाखिला हुनेछ ।

यो फैसलासँगै मरियम चुनाव लड्न अयोग्य भएकी छन् । पाकिस्तानमा २५ जुलाईमा चुनाव हुँदैछ र मरियम लाहोरको सिट एन १२७ बाट चुनाव लड्दै थिइन् ।

सर्वोच्च अदालतको फैसलासँग प्रधानमन्त्री पद गुमाएका नवाज शरीफ पनि चुनाव लड्न पाउँदैनन् ।

अदालतले मरियमका पति प्याप्टेन सरदारलाई पनि एक वर्षको जेल सजाय सुनाएको बीबीसीले जनाएको छ ।

नौ महिलासम्म चलेको सुनुवाइपछि अदालतले लण्डनस्थित एभेनफिल्ड अपार्टमेन्ट पनि जफत गर्न आदेश दिएको छ । यो भवन नवाज परिवारको सम्पत्तिमा रहेको मानिएको थियो र यही कारण भ्रष्टाचारको मुद्दा चलेको थियो ।

नवाज शरीफले श्रीमती विरामी रहेको र आफू तुरुन्त पाकिस्तान आउन नसक्ने भन्दै भन्दै यो मुद्दाको फैसला ७ दिन स्थगित गर्न निवेदन दिएका थिए । तर, सुनुवाइ भएन । उनी हाल लण्डनमा छन् ।

उनको पार्टी मुस्लिम लिग (नवाज) का नेता तारिक फजल चौधरीले यो फैसलाविरुद्ध कानुनी उपचार खोज्ने बताए ।