सोलुखुम्बु, १५ असार । सोलुखुम्बुमा जीप दुर्घटना हुँदा ६ जनाको मृत्यु भएको छ । २ जना घाइते भएका छन् । काठमाडौंको लागि छुटेको ना १ ज १८६० नम्बरको जीप बिहान ७ः४५ बजे नेचासल्यान र तिम्लाको सिमानामा पर्ने बरडाँडामा दुर्घटना भएको प्रहरीले जनाएको छ । मृतकको सनाखत हुन बाँकी छ । जीपमा ८ जना थिए ।

घटनाको थप विवरण आउन बाँकी छ । त्यस्तै काठमाडौंको लामबगरमा आज बिहान यात्रुवाहक बस दुर्घटना हुँदा १५ जना यात्रु घाइते भएका छन् ।

धर्मस्थलीबाट रत्नपार्कतर्फ आउदै गरेको बा ३ क ३७४९ नम्बरको बस बिहान करिब ७ः४५ बजे दुर्घटना भएको हो । महानगरीय ट्राफिक प्रहरीले दिएको जानकारी अनुसार, दुर्घटनाका घाइते १५ मध्ये १२ को ग्राण्डी अन्तर्रा्ष्ट्रिय अस्पताल र ३ जनाको त्रिवि शिक्षण अस्पतालमा उपचार भइरहेको छ । टिचिङ अस्पतालमा उपचाररत १ जनाको अवस्था गम्भीर रहेको प्रहरीले जनाएको छ । बस नदी किनारमा खसेको थियो । दुर्घटनाको कारण खुल्न सकेको छैन । प्रहरीले यसबारे अनुसन्धान भइरहेको जनाएको छ ।